സോഷ്യല് മീഡിയയിലൂടെ പരിചയപ്പെട്ട 13കാരിയെ പ്രവാസി പീഡിപ്പിച്ചു; മൂന്നു വര്ഷം തടവും അതിനു ശേഷം നാടുകടത്താൻ ദുബായ് കോടതി
സമൂഹ മാധ്യമത്തിലൂടെ പരിചയപ്പെട്ട 13കാരിയെ പീഡിപ്പിച്ച പ്രവാസിക്ക് ദുബായ് കോടതി ശിക്ഷ വിധിച്ചു. മൂന്നു വര്ഷം തടവും അതിനു ശേഷം നാടുകടത്താനുമാണ് ദുബായ് കോടതി വിധിച്ചത്. ഇന്സ്റ്റഗ്രാമിലൂടെ പരിചയപ്പെട്ട ഫിലിപ്പിനോ പെണ്കുട്ടിയെയാണ് പാകിസ്താന് സ്വദേശിയായ 27കാരന് ഇത്തരത്തിൽ പീഡിപ്പിച്ചത്. 62കാരനായ കുട്ടിയുടെ അച്ചന് നല്കിയ പരാതിയിലാണ് പോലീസ് നടപടി സ്വീകരിച്ചത്. കഴിഞ്ഞ ഡിസംബറിലായിരുന്നു സംഭവം.
രാത്രി വൈകി വീട്ടിലെത്തിയ കുട്ടി ലാപ്ടോപ്പിനു മുന്നില് നിന്നും മാറാത്തതുകണ്ട പിതാവ് കുട്ടിയോട് കാര്യം തിരക്കിയപ്പോഴാണ് പീഡന വിവരം പുറത്തറിഞ്ഞത് തന്നെ. തനിക്ക് ഒരാളെ ഇഷ്ടമാണെന്നും അയാളുമായി താന് വീടിന്റെ ടെറസില് കഴിയുകയായിരുന്നുവെന്നും കുട്ടി വ്യക്തമാക്കുകയുണ്ടായി. ഇതേത്തുടര്ന്ന് ബര്ദുബായ് പോലീസില് ഇദ്ദേഹം പരാതി നല്കിയിരുന്നു. പോലീസ് നടത്തിയ അന്വേഷണത്തില് പീഡനത്തിന്റെ കൂടുതല് വിവരങ്ങള് പുറത്തുവറുകയുണ്ടായി.
https://www.facebook.com/Malayalivartha