യുഎഇയിലെ ധനകാര്യ സ്ഥാപനങ്ങളില്‍ ശനിയാഴ്!ച പണമിടപാട് നടത്തുന്നത് നിര്‍ത്തലാക്കുന്നു. യുഎഇ സെന്‍ട്രല്‍ ബാങ്കാണ് ഇതുസംബന്ധിച്ച് നിര്‍ദ്ദേശം നല്‍കിയത്. നിലവില്‍ വെള്ളിയാഴ്ചകളിലാണ് ദുബായില്‍ ബാങ്ക് അവധി. ശനിയാഴ്ചകളില്‍ ധനകാര്യ സ്ഥാപനങ്ങളില്‍ പണമിടപാട് നടത്തുന്നത് നിര്‍ത്തലാക്കുമെന്ന് യുഎഇ സെന്‍ട്രല്‍ ബാങ്ക് വ്യക്തമാക്കി. രാജ്യത്തെ ബാങ്കുകള്‍ക്കു പുറമേ മണി എക്‌സ്‌ചേഞ്ച് സ്ഥാപനങ്ങള്‍ക്കും ഈ നിയമം ബാധകമായിരിക്കും. സെപ്റ്റംബര്‍ അഞ്ച് മുതലാണ് പുതിയ നിയമം പ്രാബല്യത്തില്‍ വരിക. 

ബാങ്കുകളില്‍ നിന്ന് പണം പിന്‍വലിക്കുക, നിക്ഷേപിക്കുക തുടങ്ങിയ ഇടപാടുകളാണ് ശനിയാഴ്!ചകളില്‍ നിര്‍ത്തലാക്കുന്നത്. ചെക്ക് ക്ലിയന്‍സ് സിസ്റ്റം, യുഎഇ ഫണ്ട് ട്രാന്‍സ്!ഫര്‍ സിസ്റ്റം തുടങ്ങിയ സേവനങ്ങള്‍ ശനിയാഴ്ചയും ലഭ്യമാകും. പുതിയ നിയമം സംബന്ധിച്ച് സെന്‍ട്രല്‍ ബാങ്ക് രാജ്യത്തെ ധനകാര്യ സ്ഥാപനങ്ങള്‍ക്ക് അറിയിപ്പ് നല്‍കിയിട്ടുണ്ട്. യുഎഇ ബാങ്ക്‌സ് ഫെഡറേഷനുമായി ആലോചിച്ചതിന് ശേഷമാണ് നടപടിയെന്ന് സെന്‍ട്രല്‍ ബാങ്ക് വ്യക്തമാക്കി.

ഈദ് അടക്കമുള്ള പൊതു അവധി ദിനങ്ങളില്‍ പ്രത്യേക അറിയിപ്പോടെ പണമിടപാട് സൗകര്യം അനുവദിക്കുമെന്നും സെന്‍ട്രല്‍ ബാങ്ക് അറിയിച്ചു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha