മാറ്റങ്ങൾ കൈകൊണ്ട് പ്രവാസികൾക്ക് ആശ്വാസമായി യുഎഇ മാറുന്നു. തൊഴിലാളികൾക്ക് പ്രധാന്യം നൽകുന്ന യുഎഇ പുതിയ തൊഴിൽ നിബന്ധനകൾ പ്രഖ്യാപിച്ചിരിക്കുകയാണ്. തൊഴിൽബന്ധങ്ങളുടെ നിയന്ത്രണവുമായി ബന്ധപ്പെട്ട് 2021ലെ ഫെഡറൽ ഉത്തരവ് നിയമം നമ്പർ 33 ഹ്യൂമൻ റിസോഴ്‌സ്, എമിറേറ്റൈസേഷൻ മന്ത്രി ഡോ. അബ്ദുൾ റഹ്മാൻ അൽ അവാർ പ്രഖ്യാപിക്കുകയുണ്ടായി.

2022 ഫെബ്രുവരി രണ്ടു മുതൽ പുതിയ നിയമം പ്രാബല്യത്തിൽ വരുന്നതാണ്. ഈ പുതിയ നിയമ വ്യവസ്ഥയോടെ, രാജ്യത്തെ തൊഴിൽ ബന്ധങ്ങൾ കൂടുതൽ അയവുള്ളതാകുമെന്നാണ് ഏവരുടെയും പ്രതീക്ഷ.

പുതിയ പ്രഖ്യാപനങ്ങൾ പ്രകാരം ഭീഷണിപ്പെടുത്തൽ, ഉപദ്രവിക്കൽ, രേഖകൾ അനധികൃതമായി പിടിച്ചെടുക്കൽ എന്നിവയിൽ നിന്ന് ജീവനക്കാർക്ക് കൂടുതൽ സംരക്ഷണം നൽകുന്നതാണ്. എമിറാത്തി കേഡറുകളുടെ പങ്കാളിത്തവും മത്സരശേഷിയും വർധിപ്പിക്കുന്നതിനും തൊഴിൽ വിപണിയിൽ സ്ത്രീകളെ ശാക്തീകരിക്കുന്നതിനും അവരുടെ അവകാശങ്ങൾ സംരക്ഷിക്കുന്നതിനുമുള്ള ശ്രമങ്ങളെ ഈ നിയമം പിന്തുണയ്ക്കുന്നുവെന്ന് അൽ അവാർ മാധ്യമങ്ങളോട് പറഞ്ഞു.

അതോടൊപ്പം തന്നെ പ്രൊബേഷൻ ആറുമാസത്തിൽ കൂടരുത്. തൊഴിലാളികളുടെ ഔദ്യോഗിക രേഖകൾ അനധികൃതമായി പിടിച്ചെടുക്കുന്നത് തടയാൻ നിയമം വ്യവസ്ഥ ചെയ്യുന്നുണ്ട്. ഒരു ബിസിനസ്സ് സ്ഥാപനത്തിൽ നിന്ന് മറ്റൊന്നിലേക്ക് മാറാൻ തൊഴിലാളിയെ അനുവദിക്കുന്ന നിയമം, തൊഴിൽ കാലാവധിയുടെ അവസാനം രാജ്യം വിടാൻ തൊഴിലുടമകൾ നിർബന്ധിക്കുന്നതിൽ നിന്നു തൊഴിലാളികളെ സംരക്ഷിക്കുകയും ചെയ്യുന്നു. രാജ്യത്തെ തൊഴിൽ വിപണിയുടെ വഴക്കവും സുസ്ഥിരതയും വർധിപ്പിക്കുന്നതിനും തൊഴിലാളികളുടെ സംരക്ഷണം ഉറപ്പുനൽകുന്നതിനും വേണ്ടിയാണ് പുതിയ നിയമം ലക്ഷ്യമിടുന്നതെന്ന് ഡോ. അബ്ദുൾ റഹ്മാൻ അൽ അവാർ പറഞ്ഞത്.

അതേസമയം എക്സിക്യൂട്ടീവ് റെഗുലേഷൻസ് നിർണയിക്കുന്ന വ്യവസ്ഥകൾക്കും നടപടിക്രമങ്ങൾക്കും അനുസൃതമായി ഒരു ജീവനക്കാരന്റെ പ്രൊബേഷൻ കാലയളവ് ആറ് മാസത്തിൽ കൂടരുത് എന്ന് ഉത്തരവിൽ വ്യക്തമാക്കിയിരിക്കുകയാണ്. വ്യവഹാരത്തിന്റെ എല്ലാ ഘട്ടങ്ങളിലും തൊഴിൽ കേസുകളെ ജുഡീഷ്യൽ ഫീസിൽ നിന്ന് ഒഴിവാക്കുന്നു. മാത്രമല്ല മത്സരശേഷിയും ഉൽപാദനക്ഷമതയും പ്രോത്സാഹിപ്പിക്കുകയും രാജ്യത്തെ തൊഴിൽ വിപണിയുടെ വഴക്കവും സുസ്ഥിരതയും വർധിപ്പിക്കാനും തൊഴിലാളികളുടെ സംരക്ഷണം ഉറപ്പുനൽകാനുമാണ് നിയമം ലക്ഷ്യമിടുന്നതെന്ന് അദ്ദേഹം വ്യക്തമാക്കി.

പുതിയ നിയമം ബിസിനസ്സ് സുഗമമാക്കുന്നതിനും തൊഴിൽ വിപണിയുടെ മത്സരക്ഷമതയും ഉൽപാദനക്ഷമതയും പ്രോത്സാഹിപ്പിക്കുന്ന വിപുലമായ സംവിധാനം സൃഷ്ടിച്ചിട്ടുണ്ടെന്നും ചൂണ്ടിക്കാട്ടി. ഇതുമൂലം വമ്പൻ മുന്നേറ്റനേകന് പ്രവാസികൾ പ്രതീക്ഷിക്കുന്നത്.