സൗദി അറേബ്യയില് നിന്ന് ഒരു ന്തോഷ വാര്ത്ത; നിക്ഷേപം നടത്താനാഗ്രഹിക്കുന്നവര്ക്ക് സ്വന്തം രാജ്യത്തിരുന്ന് സൗദിയില് കമ്പനി രജിസ്റ്റര് ചെയ്യാം, രാജ്യത്ത് ബിസിനസ് ലൈസന്സുകള് നേടുന്നതിനുള്ള നടപടിക്രമങ്ങള് എളുപ്പമാക്കി അധികൃതർ
മാറ്റങ്ങളിലേക്ക് വിരൽ ചൂണ്ടി സൗദി അറേബ്യ രംഗത്ത് എത്തിയിരിക്കുകയാണ്. എണ്ണയിതര മേഖലകളിലേക്ക് സൗദിയെ പടുത്തുയർത്താൻ പുത്തൻ കാര്യങ്ങളാണ് മുന്നോട്ട് വയ്ക്കുന്നത്. ഇപ്പോഴിതാ സൗദി അറേബ്യയില് നിക്ഷേപം നടത്താനാഗ്രഹിക്കുന്നവര്ക്ക് സന്തോഷ വാര്ത്തയാണ് പുറത്ത് വരുന്നത്. സ്വന്തം രാജ്യത്തിരുന്ന് സൗദിയില് കമ്പനി രജിസ്റ്റര് ചെയ്യാനാണ് പുതിയ അനുമതി നൽകിയിരിക്കുന്നത്. രാജ്യത്ത് ബിസിനസ് ലൈസന്സുകള് നേടുന്നതിനുള്ള നടപടിക്രമങ്ങള് എളുപ്പമാക്കികൊണ്ടാണ് പുതിയ നിബന്ധന നൽകുന്നത്.
അതോടൊപ്പം തന്നെ വിദേശത്ത് നിന്ന് ഓണ്ലൈന് വഴി ലൈസന്സുകള് നേടാനും സാധിക്കുന്നതാണ്. സൗദി നിക്ഷേപ മന്ത്രാലയമാണ് പുതിയ സേവനം ആരംഭിച്ചിരിക്കുന്നത്. ആദ്യം അപേക്ഷകരുടെ രാജ്യത്തുള്ള സൗദി എംബസിയില്, തുടങ്ങാന് പോകുന്ന ബിസിനസിനുള്ള കരാറിന് അറ്റസ്റ്റേഷന് നടത്തണം. ഇതിനുള്ള സൗകര്യം ഓണ്ലൈന് ലിങ്കായി വിദേശകാര്യ മന്ത്രാലത്തിന്റെ വെബ് സൈറ്റില് നല്കിയിട്ടുമുണ്ട്. ഈ നടപടി പൂര്ത്തിയാക്കിയാല് സൗദിയില് ബിസിനസിനുള്ള ലൈസന്സ് കരസ്ഥമാക്കലാണ് അടുത്ത ഘട്ടം എന്നത്.
കൂടാതെ ഇതിനുള്ള സൗകര്യം നിക്ഷേപ മന്ത്രാലയത്തിന്റെ ഓണ്ലൈന് പോര്ട്ടലിലുണ്ട്. മൂന്നാമത്തെ ഘട്ടം കൊമേഴ്സ്യല് രജിസ്ട്രേഷന് (സി.ആര്) നടപടി പൂര്ത്തിയാക്കലാണ്. ഇത് വാണിജ്യമന്ത്രായത്തിന്റെ വെബ്സൈറ്റ് വഴിയാണ് പൂര്ത്തിയാക്കേണ്ടത്. ഇതൊടെ സ്ഥാപനം തുടങ്ങാനുള്ള നടപടികള് അവസാനിക്കുന്നതായിരിക്കും. ഇത് സംബന്ധിച്ച് വിവിധ ഭാഷകളില് വ്യാപകമായ മാര്ക്കറ്റിങ് കാമ്പയിന് നടത്തുകയും ചെയ്യും.
അതേസമയം സൗദി അറേബ്യയിലെ വ്യാപാര സ്ഥാപനങ്ങളില് ഇലക്ട്രോണിക് ബില്ലിങ് സിസ്റ്റം ഏര്പ്പെടുത്തിയില്ലെങ്കില് അയ്യായിരം റിയാല് (ഒരു ലക്ഷത്തോളം രൂപ) പിഴ ഈടാക്കുക. ഡിസംബര് നാലിന് ശേഷമാണ് നടപടി സ്വീകരിക്കുക. ബില്ലില് കൃത്രിമത്വം കാണിക്കുന്നവര്ക്ക് പതിനായിരം റിയാലും (രണ്ട് ലക്ഷത്തേളം രൂപ) പിഴ ചുമത്തും.
https://www.facebook.com/Malayalivartha
