യു എ ഇയില്‍ നിന്ന് ചില ഐഫോണ്‍ 12, 12 പ്രോ മോഡെലുകള്‍ ആപിള്‍ തിരികെ വിളിക്കുമെന്ന് പ്രഖ്യാപിച്ചുകൊണ്ട് രംഗത്ത് എത്തിയിരിക്കുകയാണ്. 2020 ഒക്‌ടോബറിനും 2021 ഏപ്രിലിനും ഇടയില്‍ നിര്‍മിച്ചവയാണ്അധികൃതർ തിരികെ വിളിക്കുന്നത്. എന്നാല്‍ എത്ര ഉപകരണങ്ങള്‍ തിരിച്ചുവിളിക്കുമെന്ന് ഇതുവരെ വെളിപ്പെടുത്തിയിട്ടില്ല.

അതായത് ശബ്ദത്തിലുണ്ടാവുന്ന പ്രശ്‌നങ്ങള്‍ കാരണമാണ് ഈ നടപടിയെന്ന് കമ്ബനി ഔദ്യോഗിക പ്രസ്താവനയില്‍ അറിയിക്കുകയും ചെയ്തു. 'ഐഫോണ്‍ 12, 12 പ്രോ മോഡെലുകള്‍ ഉപയോഗിക്കുന്നവരില്‍ കോളുകള്‍ ചെയ്യുമ്പോഴോ സ്വീകരിക്കുമ്പോഴോ റിസീവറില്‍ നിന്ന് ശബ്ദത്തിന് പ്രശ്നങ്ങള്‍ ഉണ്ടെങ്കില്‍ അടുത്തുള്ള ആപിള്‍ അല്ലെങ്കില്‍ ആപിള്‍ അംഗീകൃത ഷോറൂമില്‍ നിന്ന് യോഗ്യമായ ഉപകരണങ്ങള്‍ സൗജന്യമായി നല്‍കും' - എന്നും പ്രസ്താവനയില്‍ പറയുന്നു.

അതേസമയം ഐഫോണ്‍ 12 മിനി, ഐഫോണ്‍ 12 പ്രോ മാക്‌സ് മോഡെലുകളില്‍ ഈ സൗജന്യം ലഭിക്കില്ലെന്നും കമ്പനി അറിയിക്കുകയുണ്ടായി. നിശ്ചിത സ്ഥലങ്ങളില്‍ മാത്രമാണ് ഈ സേവനം ലഭിക്കുക. നിലവില്‍ ദുബൈയില്‍ ദുബൈ മാളിലും ദി മാള്‍ ഓഫ് എമിറേറ്റ്‌സിലും, അബുദബിയില്‍ യാസ് മാളിലും ആപിളിന്റെ ഔദ്യോഗിക സ്റ്റോറുകള്‍ പ്രവര്‍ത്തിച്ചുവരുകയാണ്.