ഒമാനില് കഴിഞ്ഞ 24 മണിക്കൂറിനിടെ കൊവിഡ് സ്ഥിരീകരിച്ചത് ഏഴ് പേര്ക്ക്; ആശുപത്രികളില് ചികിത്സയിലുള്ളത് 13 പേര് മാത്രം, ആശ്വാസത്തിൽ പ്രവാസികൾ
ഒമാനില് നിന്ന് ആശ്വാസത്തിന്റെ വാർത്ത. കഴിഞ്ഞ 24 മണിക്കൂറിനിടെ ഏഴ് പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം പുറത്തിറക്കിയ പ്രസ്താവനയില് വ്യക്തമാക്കുന്നു. ചികിത്സയിലായിരുന്ന മൂന്ന് പേര് സുഖം പ്രാപിക്കുകയും ചെയ്തപ്പോള് രാജ്യത്ത് പുതിയ കൊവിഡ് മരണങ്ങളൊന്നും റിപ്പോര്ട്ട് ചെയ്യപ്പെട്ടിട്ടുമില്ല.
അതോടൊപ്പം തന്നെ ആരോഗ്യ മന്ത്രാലയം വ്യാഴാഴ്ച പുറത്തുവിട്ട കണക്കുകള് പ്രകാരം ഒമാനില് ഇതുവരെ 3,04,499 പേര്ക്കാണ് കൊവിഡ് സ്ഥിരീകരിച്ചിരിക്കുന്നത്. ഇവരില് 2,99,921 പേരും ഇതിനോടകം രോഗമുക്തരായിയിട്ടുണ്ട്. ആകെ 4,113 പേര്ക്കാണ് ഒമാനില് കൊവിഡ് കാരണം ജീവന് നഷ്ടമായിട്ടുള്ളത്. 98.5 ശതമാനമാണ് രാജ്യത്തെ കൊവിഡ് രോഗമുക്തി നിരക്ക് എന്നത്.
അതേസമയം രാജ്യത്ത് ആകെയുള്ള കൊവിഡ് രോഗികളുടെ എണ്ണം 465 ആണ്. കഴിഞ്ഞ 24 മണിക്കൂറിനിടെ ഒരു കൊവിഡ് രോഗിയെപ്പോലും രാജ്യത്തെ ആശുപത്രികളില് പ്രവേശിപ്പിക്കേണ്ടി വന്നിട്ടില്ല എന്നും അധികൃതർ വ്യക്തമാക്കി. 13 രോഗികള് ഇപ്പോള് ആശുപത്രികളില് ചികിത്സയിൽ കഴിയുകയാണ്. ഇവരില് മൂന്ന് പേര് മാത്രമാണ് ഗുരുതരാവസ്ഥയിലുള്ളതെന്നും ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നു.
https://www.facebook.com/Malayalivartha