ഇസ്ലാമിക ജീവിതത്തിന് പേര്‌കേട്ട സൗദി രാജകുടുംബാംഗങ്ങളെ പറ്റിയുള്ള വാര്‍ത്തകളാണ് പാശ്ചാത്യമാധ്യമങ്ങളില്‍ പ്രചരിക്കുന്നത്. സ്വകാര്യ വിമാനത്തില്‍ കടത്തുകയായിരുന്ന രണ്ടു ടണ്‍ മയക്കുമരുന്നുമായി സൗദി രാജകുമാരന്‍ അറസ്റ്റിലെന്നു പുതിയ റിപ്പോര്‍ട്ട്. ബെയ്‌റൂട്ടിലെ റഫീഖ് ഹരീരി വിമാനത്താവളത്തിലാണ് അബദ് അല്‍ മുഹ്‌സെന്‍ ബിന്‍ വാലിദ് ബിന്‍ അബ്ദുള്‍ അസീസ് അല്‍ സൗദ് അറസ്റ്റിലായത്. വിമാനത്തില്‍ നാല്‍പതു പായ്ക്കറ്റുകളിലായി രണ്ടു ടണ്ണിന്റെ മയക്കുമരുന്നു ഗുളികകളാണുണ്ടായിരുന്നതെന്നു പൊലീസിനെ ഉദ്ധരിച്ചു പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

രാജകുമാരനെ ചോദ്യം ചെയ്തുവരികയാണ്. നാലു പേരും ഒപ്പമുണ്ടായിരുന്നു. ആംഫിറ്റാമിന്‍ ഇനത്തില്‍ വരുന്ന കാപ്റ്റാഗണ്‍ എന്ന മരുന്നാണ് കടത്തിയത്. യെമനില്‍ അടക്കം യുദ്ധം ചെയ്യുന്ന സൗദി സൈനികര്‍ പതിവായി ഉപയോഗിക്കുന്നതാണ് ഈ മയക്കുമരുന്നെന്നാണ് സൂചന. ഇവര്‍ക്ക് എത്തിച്ചുനല്‍കാനായിരുന്നു രാജകുമാരന്റെ ശ്രമമെന്നും റിപ്പോര്‍ട്ടുണ്ട്.
കഴിഞ്ഞ മാസമാണ് അമേരിക്കയില്‍ ലോസ് എയ്ഞ്ചല്‍സിലെ ആഡംബര ആഡംബര വസതിയില്‍ വേലക്കാരിയെ ക്രൂര ലൈംഗിക പീഡിനങ്ങള്‍ക്കിരയാക്കിയതിന് സൗദി രാജകുമാരനും മുന്‍ രാജാവ് അബ്ദുള്ളയുടെ മകനുമായ മജീദ് ബിന്‍ അബ്ദുള്ള ബിന്‍ അബ്ദുളസീനെതിരെ കേസെടുത്തത്. സംഭവം പുറത്തു വന്നതോട് കൂടി നിരവധി പെണ്‍കുട്ടികളാണ് രാജകുമാരനെതിരെ ആരോപണവുമായി രംഗത്തെത്തിയത്. എന്നാല്‍ വന്‍തുക കോടതിയില്‍ കെട്ടിവെച്ചാണ് രാജകുമാരനെ സൗദിഭരണകൂടം രക്ഷിച്ചത്.
മാത്രമല്ല രാജകുടുംബാംഗങ്ങളുടെ ആഡംബര ജീവിതത്തിന് തടയിട്ട സൗദി രാജാവ് സല്‍മാന്‍ രാജാവിനെ പുറത്താക്കാന്‍ അനന്തരാവകാശികള്‍ സംഘടിക്കുന്നതായി കഴിഞ്ഞ ദിവസമാണ് റിപ്പോര്‍ട്ട് പുറത്ത് വന്നത്. 79കാരനായ സല്‍മാന്‍ രാജാവിനെ മാറ്റി അദ്ദേഹത്തിന്റെ ഇളയ സഹോദരനെ അധികാരത്തിലെത്തിക്കുന്നതിനുള്ള പടയൊരുക്കം കൊട്ടാരത്തില്‍ത്തന്നെ നടക്കുന്നതായാണ് റിപ്പോര്‍ട്ട്. സല്‍മാന്‍ രാജാവിനെ മാറ്റണമെന്ന കാര്യത്തില്‍ രാജകുടുംബത്തിലെ ഒട്ടേറെപ്പേര്‍ക്ക് യോജിപ്പുണ്ടെന്ന് ഒരു രാജകുമാരന്‍ തന്നെ വെളിപ്പെടുത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha