പാര്‍ക്കിംഗ്‌ ഫീസടയ്‌ക്കാന്‍ എസ്‌എംഎസ്‌
ഷാര്‍ജയില്‍ വാഹനങ്ങളുടെ പാര്‍ക്കിംഗ്‌ ഫീസ്‌ അടയ്‌ക്കാന്‍ ഇനി എസ്‌ എം എസ്‌ സംവിധാനം നിലവില്‍ വരുന്നു. വാഹനങ്ങള്‍ പാര്‍ക്ക്‌ ചെയ്യുന്നതിനുമുമ്പായി 5566 എന്ന നമ്പറിലേക്ക്‌ എസ്‌ എം എസ്‌ അയയ്‌ക്കുകയേ വേണ്ടു.
ഇത്തരത്തില്‍ സന്ദേശമയച്ചുകൊണ്ട്‌ പാര്‍ക്കിംഗ്‌ ഫീസ്‌ അടയ്‌ക്കാന്‍ സാധിക്കുമെന്ന്‌ മുനിസിപ്പാലിറ്റി അധികൃതര്‍ വ്യക്തമാക്കി. സന്ദേശത്തില്‍ വാഹനത്തിന്റെ പ്ലേറ്റ്‌ നമ്പറും തുടര്‍ന്ന്‌ പാര്‍ക്ക്‌ ചെയ്യുന്ന സ്ഥലവുമാണ്‌ ഉള്‍പ്പെടുത്തേണ്ടത്‌. എസ്‌ എം എസ്‌ അയച്ചുകഴിയുമ്പോള്‍ ടിക്കറ്റിന്റെ സമയപരിധി വ്യക്തമാക്കുന്ന മറുപടി സന്ദേശം ലഭിക്കും. സമയപരിധി തീരുന്നതിന്‌ 10 മിനിട്ട്‌ മുമ്പ്‌ ഓര്‍മ്മിപ്പെടുത്തിക്കൊണ്ടുള്ള സന്ദേശവും ലഭിക്കും.
പാര്‍ക്കിംഗ്‌ സമയം ദീര്‍ഘിപ്പിക്കുന്നതിനായി എന്‍ എന്ന്‌ ടൈപ്പ്‌ ചെയ്‌ത്‌ വീണ്ടും സന്ദേശം അയയ്‌ക്കാവുന്നതാണ്‌.ഷാര്‍ജയില്‍ പാര്‍ക്കിംഗ്‌ ഫീസ്‌ അടയ്‌ക്കുന്നത്‌ കൂടുതല്‍ എളുപ്പമാക്കുക എന്ന ഉദ്ദേശത്തോടെയാണ്‌ ഈ പുതിയ സൗകര്യം ഏര്‍പ്പെടുത്തിയിരിക്കുന്നത്‌.
https://www.facebook.com/Malayalivartha
