അബുദബിയില് 2 ഇന്ത്യന് സ്കൂളുകള് അടച്ചു പൂട്ടാന് ഉത്തരവ്
ഇന്ത്യന് ഇസ്ലാഹി ഇസ്ലാമിക് സ്കൂള് , ലിറ്റില് ഫ്ളവര് സ്കൂള് എന്നിവ അടച്ചു പൂട്ടാനുള്ള അബുദബി എജ്യൂക്കേഷന് കൗണ്സിലിന്റെ (അഡെക്) അന്തിമ ഉത്തരവിനെ തുടര്ന്ന് രക്ഷിതാക്കളും വിദ്യാര്ത്ഥികളും ആകെ ആശങ്കിയിലാണ്. മാര്ച്ചോടുകൂടി രണ്ടു സ്കൂളുകളും അടച്ചു പൂട്ടുന്നതോടുകൂടി 2000 ല്പരം കുട്ടികളുടെ ഭാവി അനിശ്ചിതത്വത്തിലാണ് .വിദ്യാര്ത്ഥികളെയും രക്ഷിതാക്കളെയും സര്ക്കുലറായി അറിയിച്ചിട്ടുണ്ട്. എല്ലാകുട്ടികള്ക്കും ടി . സി നല്കാനും ബോര്ഡു അഴിച്ചുമാറ്റാനും നിര്ദ്ദേശം നല്കിയിട്ടുണ്ട്. ഇസ്ലാഹി സ്കൂളില് കെ . ജി മുതല് പന്ത്രണ്ടാം ക്ലാസുവരെ 1412 കുട്ടികളും ലിറ്റില് ഫ്ളവറില് കെ . ജി മുതല് ഏഴാം ക്ലാസുവരെ 592 കുട്ടികളുമായിരുന്നു.
രക്ഷിതാക്കള് അഡ്മിഷനുവേണ്ടി നെട്ടോട്ടത്തിലാണ് .അബുദബിയിലെ ഭൂരിഭാഗം സ്കൂളുകളിലും സീറ്റുകള് ഒഴിവില്ലാത്തതാണ് പ്രശ്നം. കൂടാതെ ഫീസാകട്ടെ സാധാരണ പ്രവാസികള്ക്ക് താങ്ങാന് കഴിയാത്തതും.
വില്ല സ്കൂളുകള് നിര്ത്തലാക്കുന്നതിന്റെ ഭാഗമായിട്ടാണ് ആ സ്കൂളുകള് അടച്ചു പൂട്ടുന്നത് . നേരത്തെ വേറെ മാറണമെന്നും പറഞ്ഞെങ്കിലും അത് അനുസരിക്കാത്തതാണ് ഇങ്ങനെയൊരു തീരുമാനമായത്. കൂടാതെ വേറെ സ്കൂളുകളില് ചേരുന്നവര് വില്ല സ്കൂളുകളില് ചേരരുതെന്നും രക്ഷിതാക്കള് കുഞ്ഞുങ്ങളുടെ തുടര്വിദ്യാഭ്യാസത്തിനുവേണ്ട നടപടികള് എടുക്കണമെന്നും അതില് പറയുന്നു.
അബുദബി എമിറേറ്റില് പുതിയ സ്വകാര്യ സ്കൂളുകള് വികസിപ്പിക്കാനുള്ള പദ്ധതിയുണ്ട് . ഇതിലൂടെ കുറെ സീറ്റുകള് ലഭ്യമാകും. പക്ഷെ സ്വകാര്യ നിക്ഷേപകരുടെ താല്പര്യത്തോടെ മാത്രമേ സ്കൂള് ആരംഭിക്കുകയുള്ളൂ. രക്ഷിതാക്കളെ തത്സമയം ഇ-മെയില് , എസ് . എം . എസ് മുഖേന വിവരങ്ങള് അറിയിക്കും. അഡെക് നല്കിയ ഇ സിസ് സംവിധാനത്തില് നിലവിലുള്ള മൊബൈല് നമ്പറും ഇ-മെയിലുമാണെന്ന് രക്ഷിതാക്കള് ഉറപ്പു വരുത്തണമെന്നും നിര്ദ്ദേശിച്ചിട്ടുണ്ട് .
2015 ഓടെ പൂര്ണ്ണമായും വില്ല സ്കൂളുകള് നിര്ത്തലാക്കുന്നതിന്റെ ഭാഗമായിട്ടാണ് ഈ അടച്ചുപൂട്ടല് . രണ്ടു സ്കൂളുകളും സര്ക്കാര് കെട്ടിടത്തിലേക്ക് മാറുന്നതിലേക്കുളള നിര്ദ്ദേശങ്ങളുണ്ടായെങ്കിലും ഫലമുണ്ടായില്ല കൂടാതെ ഈ രണ്ടു സ്കൂളുകളും ഒരു വര്ഷത്തേക്ക് കൂടി നീട്ടാനുള്ള ശ്രമങ്ങളും ഫലിച്ചില്ല. ഇപ്പോള് രക്ഷിതാക്കളും വിദ്യാര്ത്ഥികളും ആകെ ആശങ്കയിലാണ് .
https://www.facebook.com/Malayalivartha
