ഫാന്സി നമ്പര് സ്വന്തമാക്കാന് നല്കിയത് 1,31,19,290 രൂപ
ദുബായില് അതിശയിപ്പിക്കുന്ന മൊബൈല് നമ്പറുകള് സ്വന്തമാക്കാന് ഒഴുകിയത് അമ്പരപ്പിക്കുന്ന തുകകള്. ദുബായില് ഇത്തിലാത്ത് നടത്തിയ മൊബാല് ലേലത്തില് താരമായത് 050 7777777 എന്ന നമ്പറാണ്. ഏഴ് എഴുകളോടുകൂടിയ ഈ നമ്പര് സ്വന്തമാക്കാന് സ്വദേശിയായ പൗരന് 7.87,777 ലക്ഷം ദിര്ഹം അതായത് 1,31,19,290 രൂപയാണ് നല്കിയത്. എമിറേറ്റ്സ് ഓക്ഷന്റെ നേതൃത്വത്തില് നടത്തിയ നമ്പര് ലേലത്തിലെ ഡയമണ്ട് പ്ലസ് വിഭാഗത്തില് ഉള്പ്പെട്ട നമ്പറാണിത്. ബുര്ജ് ഖലീഫയിലെ അര്മാനി ടവറിലും അബുദാബി എമിറേറ്റ്സ് പാലസിലുമായി നടന്ന ലേലത്തില് ഇത്തിസലാത്തിന്റെ 70 വിഐപി നമ്പറുകള് ലേലത്തില് ഉണ്ടായിരുന്നു. അഞ്ചെണ്ണമാണ് ഡയമണ്ട് പ്ലസ് വിഭാഗത്തിലുണ്ടായിരുന്നത്. ഇതില് ഏറ്റവും സവിശേഷപ്പെട്ട നമ്പറിന് ഏറ്റവും വലിയ വില ലഭിച്ചു. ആകെ 700 പേര് ലേലത്തില് പങ്കാളികളായി.
ലേലത്തില് ലഭിച്ച തുകയുടെ കണക്ക് ഇത്തിസലാത്ത് പുറത്തു വിട്ടിട്ടില്ല. എന്നാല് തുകയുടെ ഒരുഭാഗം ഖലീഫ ഫൗണ്ടേഷന് നല്കുമെന്നും അവശേഷിക്കുന്നത് ജീവകാരുണ്യപ്രവര്ത്തനങ്ങള്ക്കുപയോഗപ്പെടുത്തുമെന്നുമറിയുന്നു.
ഡയമണ്ട് പ്ലസ് നമ്പര് വാങ്ങിയ വരിക്കാര്ക്ക് 22,500 മിനിറ്റിന്റെ പ്രാദേശിക കോളും 2,250 മിനിറ്റിന്റെ അന്താരാഷ്ട്ര കോളും രണ്ടു വര്ഷത്തേക്ക് സൗജന്യമാണ്. ഇവര്ക്ക് ഏറ്റവും പുതിയ മോഡലിലുള്ള സ്മാര്ട്ട് ഫോണും പ്രത്യേകമായുള്ള കസ്റ്റമര് പരിരക്ഷയും ലഭിക്കും. ഈ നമ്പര് സ്വന്തമാക്കിയ സ്വദേശിയുടെ പേരുവിവരങ്ങള് പുറത്തുവിട്ടിട്ടില്ല.
https://www.facebook.com/Malayalivartha