ദോഹ വിമാനത്താവളത്തിന്‌ എയര്‍പോര്‍ട്ട്‌ ഓഫ്‌ ദ ഇയര്‍ അംഗീകാരം
ദോഹ അന്താരാഷ്‌ട്ര വിമാനത്താവളത്തിന്‌ എയര്‍പോര്‍ട്ട്‌ ഓഫ്‌ ദ ഇയര്‍ ബഹുമതി ലഭിച്ചു. തുര്‍ക്കി തലസ്ഥാനമായ ഇസ്‌തംബുളില്‍ നടന്ന എയര്‍ ട്രാന്‍സ്‌പോര്‍ട്ട്‌ ന്യൂസ്‌ അവാര്‍ഡ്‌ വിതരണചടങ്ങിലാണ്‌ വിമാനത്താവളത്തിന്റെ ബഹുമതി പ്രഖ്യാപനമുണ്ടായത്‌.
ഖത്തര്‍ എയര്‍വേസ്‌ എയര്‍ലൈന്‍ ഓഫ്‌ ദ ഇയറായും തെരഞ്ഞെടുക്കപ്പെട്ടു. എയര്‍ട്രാന്‍സ്‌പോര്‍ട്ട്‌ ന്യൂസ്‌ വായനക്കാരുടെ വോട്ടും വ്യോമയാന മേഖലയിലെ വിദഗ്‌ദ്ധരുടെ വിധിനിര്‍ണ്ണയവും പരിഗണിച്ചാണ്‌ പ്രഖ്യാപനം നടന്നത്‌.
തങ്ങള്‍ക്ക്‌ കിട്ടിയ ഈ നേട്ടത്തില്‍ അഭിമാനം കൊള്ളുന്നുവെന്ന്‌ ഖത്തര്‍ എയര്‍വേസ്‌ ചീഫ്‌ എക്‌സിക്യൂട്ടീവ്‌ ഓഫീസര്‍ അക്‌ബര്‍ അല്‍ ബക്കര്‍ പറഞ്ഞു. തങ്ങള്‍ നല്‍കുന്ന സേവനത്തിലും ഉല്‍പന്നങ്ങളില്‍ .യാത്രക്കാര്‍ അര്‍പ്പിക്കുന്ന വിശ്വാസമാണ്‌ അവാര്‍ഡിന്‌ അര്‍ഹമായത്‌. വിമാനത്തിലും വിമാനത്താവളത്തിലും ജീവനക്കാര്‍ നടത്തിയ കഠിനാധ്വാനത്തിന്റേയും ഫലമാണെന്ന്‌ അദ്ദേഹം പറഞ്ഞു.
ബ്രിട്ടനിലെ ബിസിനസ്‌ ട്രാവലിന്റെ മികച്ച ബിസിനസ്‌ ക്‌ളാസിനുള്ള അവാര്‍ഡ്‌, ഏഷ്യ പസഫിക്‌ ബിസിനസ്‌ ട്രാവലിന്റെ മികച്ച മിഡില്‍ ഈസ്റ്റ്‌ എയര്‍ലൈന്‍ അവാര്‍ഡ്‌ എന്നിവയൊക്കെ ഈയിടെ നേടിയിരുന്നു.
https://www.facebook.com/Malayalivartha
