ദുബായില്‍ മെട്രോ സ്റ്റേഷനുകള്‍ മ്യൂസിയങ്ങളാകുന്നു
ദുബായില്‍ മെട്രോസ്റ്റേഷനുകള്‍ മ്യൂസിയങ്ങളാക്കി മാറ്റുന്ന പദ്ധതിക്ക്‌ തുടക്കം കുറിച്ചു. ദുബായ്‌ മെട്രോ സ്റ്റേഷനുകളെ കലയുടെയും കണ്ടുപിടുത്തങ്ങളുടെയും മ്യൂസിയങ്ങളാക്കി മാറ്റുന്ന പദ്ധതിക്കാണ്‌ തുടക്കമിട്ടതെന്ന്‌ ദുബായ്‌ ഭരണാധികാരി ശൈഖ് മുഹമ്മദ് ട്വീറ്റ്‌ ചെയ്‌തത്‌.
വര്‍ഷം 130 ദശലക്ഷം യാത്രക്കാരെത്തുന്ന മെട്രോസ്റ്റേഷനുകളെ കല, സംസ്‌കാരം, ചരിത്രം തുടങ്ങിയവ പ്രദര്‍ശിപ്പിക്കുന്ന ഏറ്റവും വലിയ ഇടമായി മാറ്റാണ്‌ ശ്രമിക്കുന്നത്‌.
യാത്രക്കാര്ക്ക് പ്രചോദനമാകുകയും അവരെ വിനോദിപ്പിക്കുകയാണ്‌ ഉദ്ദേശം. യാത്ര കൂടുതല്‍ സജീവവും സമ്പന്നവുമാക്കാന്‍ ഇതു വഴി സാധിക്കും. സ്റ്റേഷന്‍ മ്യൂസിയങ്ങളുടേയും പുതിയ മുഖച്ഛായയോടെയുള്ള മെട്രോയുടെയും ചിത്രങ്ങള്‍ ശൈഖ് മുഹമ്മദ് പോസ്റ്റ്‌ ചെയ്‌തിട്ടുണ്ട്‌.
സ്റ്റേഷനുകള്‍ക്കകത്തും പരിസരങ്ങളിലും ചരിത്രവുമായി ബന്ധപ്പെട്ട പ്രതീകങ്ങളും ഉല്‍പ്പന്നങ്ങളും പുതിയ കണ്ടുപിടുത്തങ്ങളുമൊക്കെ പ്രദര്‍ശിപ്പിക്കുന്നതായി ചിത്രങ്ങള്‍ വ്യക്തമാക്കുന്നു. സ്റ്റേഷനകത്ത്‌ ഇസ്ലാമിക്‌ ആര്‍ട്‌ മ്യൂസിയത്തിന്റെ ചിത്രവും പോസ്റ്റ്‌ ചെയ്‌തവയില്‍ ഉള്‍പ്പെടും.തങ്ങളുടെ കണ്ടുപിടുത്തങ്ങളും പാരമ്പര്യവും പ്രദര്‍ശിപ്പിക്കുക എന്നതോടൊപ്പം തന്നെ കൂടുതല്‍ യാത്രക്കാരെ ആകര്‍ഷിക്കുന്നതിനുള്ള മാര്‍ഗ്ഗം എന്ന നിലയ്‌ക്കു കൂടിയാണ്‌ സ്റ്റേഷനുകളില്‍ മ്യൂസിയങ്ങള്‍ സ്ഥാപിക്കുന്നത്‌.
https://www.facebook.com/Malayalivartha
