അപകടകരമായ സെല്ഫിയെടുക്കുന്നതിന് നിരോധനം ഏര്പ്പെടുത്തി
അപകടകരമാകും വിധം ഉയരമുള്ള കെട്ടിടങ്ങളിലും മറ്റും സെല്ഫി എടുക്കുന്നവര്ക്കു മുനിസിപ്പാലിറ്റിയുടെ കര്ശന മുന്നറിയിപ്പ്. അതീവ സാഹസികമായി ജീവന് പണയംവച്ച് സെല്ഫി എടുക്കുന്ന പ്രവണത വര്ധിച്ചുവരുന്ന സാഹചര്യത്തിലാണ് ഇങ്ങനൊരു നിരോധനം ഏര്പ്പെടുത്തിയത്. കെട്ടിട ഉടമകളും ചുമതലയുള്ളവരും ഇക്കാര്യത്തില് അതീവജാഗ്രത പാലിക്കണമെന്നു മുനിസിപ്പാലിറ്റി അസിസ്റ്റന്റ് ഡയറക്ടര് ജനറല് ഖാലിദ് മുഹമ്മദ് ഷെറീഫ് പറഞ്ഞു. ഇതുസംബന്ധിച്ചു കെട്ടിട ഉടമകള്ക്കും സുരക്ഷാ ചുമതലയുള്ളവര്ക്കും മുനിസിപ്പാലിറ്റി ഡയറക്ടര് ജനറല് ഹുസൈന് നാസര് ലൂത്ത മാര്ഗനിര്ദേശങ്ങള് നല്കി.
അനുമതിയില്ലാതെ കെട്ടിടങ്ങളില് പ്രവേശിക്കാന് ആരെയും അനുവദിക്കരുത്. ഇതിനായി സിസിടിവി ക്യാമറകളും സെന്സറുകളും സ്ഥാപിക്കണം. കെട്ടിടങ്ങള് 24 മണിക്കൂറും സൂക്ഷ്മ നിരീക്ഷണത്തിലായിരിക്കണം. വലിയ കെട്ടിടങ്ങളില് കയറി സെല്ഫിയെടുക്കുകയും അതു സമൂഹമാധ്യമങ്ങളില് പോസ്റ്റ് ചെയ്യുന്നതും ശ്രദ്ധയില്പെട്ടിട്ടുണ്ട്. സാഹസിക വിനോദങ്ങള്ക്ക് മുന്കൂട്ടി അനുമതി വാങ്ങി സുരക്ഷാ മുന്കരുതലുകള് പൂര്ണമായും പാലിക്കണം എന്നും വ്യക്തമാക്കിയിട്ടുണ്ട്.
https://www.facebook.com/Malayalivartha
