സൗദിയുടെ സ്വദേശിവല്ക്കരണ പദ്ധതിയില് 15 തൊഴില് മേഖലകളെ കൂടി ഉള്പ്പെടുത്തി
15 തൊഴില് മേഖലകളെ കൂടി സൗദിയുടെ സ്വദേശിവല്ക്കരണ പദ്ധതിയില് ഉള്പ്പെടുത്തി. നാലു വര്ഷത്തിനകം സ്വകാര്യ മേഖലയില് സൗദി ജീവനക്കാരുടെ എണ്ണം 30 ലക്ഷമായി ഉയര്ത്തുകയാണു ലക്ഷ്യം. പുതിയ വ്യവസ്ഥകള് സെപ്റ്റംബര് മൂന്നിനു നിലവില് വരും. മൊബൈല് വില്പന-അറ്റകുറ്റപ്പണി മേഖലയിലെ 100% സൗദിവല്ക്കരണത്തില് ഇളവ് വരുത്തി 94 ശതമാനമാക്കി പുനര്നിര്ണയിച്ചു. ഇത് ഏതാനും പ്രവാസികള്ക്കു മൊബൈല് രംഗത്തു ജോലി നേടാന് സഹായകമാകും. മലയാളികളടക്കം ആയിരക്കണക്കിനു പേര്ക്കാണു മൊബൈല് മേഖലയിലെ സമ്പൂര്ണ സൗദിവല്ക്കരണത്തില് ജോലി നഷ്ടപ്പെട്ടത്.
സ്വദേശിവല്ക്കരണ പദ്ധതിയിലെ പുതിയ മേഖലകള്: ആഭരണ നിര്മാണം, ഹജ്-ഉംറ ട്രാന്സ്പോര്ട്ടേഷന്, ഡെയറി ഫാക്ടറികള്, അലക്കുകടകള്, ക്രഷ്, വികലാംഗ പരിചരണ കേന്ദ്രങ്ങള്, വനിതാ ഉല്പന്ന വില്പന കേന്ദ്രങ്ങള്, സ്ട്രാറ്റജിക്കല് ഇന്സ്റ്റിറ്റിയൂട്ടുകള്, ഹെല്ത്ത് കോളജുകള്, ബ്യൂട്ടിപാര്ലറുകള്, വനിതാ തയ്യല്കേന്ദ്രങ്ങള്, ക്ലീനിങ്-കേറ്ററിങ് കരാര് സ്ഥാപനങ്ങള്, യൂണിവേഴ്സിറ്റി കോളജുകള്, മൊബൈല് ഫോണ് വില്പന-അറ്റകുറ്റപ്പണി, കെമിക്കല്-ധാതു വ്യവസായം, ഭക്ഷ്യവസ്തു-പ്ലാസ്റ്റിക് നിര്മാണം. ചില്ലറ വ്യാപാര മേഖലയില് 100 ശതമാനവും പെട്രോളിയം, ഗ്യാസ്, സാമ്പത്തിക സ്ഥാപനങ്ങള് എന്നിവയില് 90 ശതമാനവും സൗദിവല്ക്കരണം നടപ്പാക്കും.
നിര്മാണ, കോണ്ട്രാക്ടിങ് മേഖലയില് 15% സ്വദേശികള് മതിയാവും. സ്വകാര്യ, വിദേശ സ്കൂളുകളിലെ നിയമനങ്ങളിലും സ്വദേശിവല്ക്കരണം കര്ശനമാക്കും. ഒരേ മേഖലയില് പ്രവര്ത്തിക്കുന്ന ചെറുകിട സ്ഥാപനങ്ങളെക്കാള് വളരെകൂടിയ തോതിലാകണം വന്കിട സ്ഥാപനങ്ങളിലെ സ്വദേശിവല്ക്കരണം. ചെറുകിട സ്ഥാപനങ്ങളുടെ സൗദിവല്ക്കരണ തോതും ഉയര്ത്തിയിട്ടുണ്ട്. നിതാഖാത് വ്യവസ്ഥയില് നിലവിലുള്ള പ്ലാറ്റിനം, കടുംപച്ച, ഇടത്തരംപച്ച, ഇളംപച്ച, മഞ്ഞ, ചുവപ്പ് കാറ്റഗറികള് തന്നെ തുടരും. മൊബൈല് മേഖലയില് 94% സൗദിവല്ക്കരണം നടപ്പാക്കുന്ന സ്ഥാപനം ഇളം പച്ച വിഭാഗത്തില് പെടും. 96% ഇടത്തരം പച്ചയിലും 98% ഉയര്ന്ന പച്ച കാറ്റഗറിയിലും സ്ഥാപനത്തെ എത്തിക്കും. 92% സ്വദേശികളേ ഉള്ളൂവെങ്കില് മഞ്ഞ കാറ്റഗറിയേ കിട്ടൂ. 90% ആയാല് കടുത്തനടപടി നേരിടേണ്ട.
https://www.facebook.com/Malayalivartha
