അനധികൃത കാര് വില്പന തടയാന് ഓക്ഷന് സെന്റര് തുറക്കുന്നു
കാറുകളുടെ അനധികൃത വില്പനയ്ക്കു തടയിടുക എന്ന ലക്ഷ്യത്തോടെ ഓക്ഷന് സെന്റര് തുറക്കുന്നു. ക്യാപ്പിറ്റല് മുനിസിപ്പല് കൗണ്സിലിന്റേതാണു നടപടി. രാജ്യത്ത് ഇത്തരത്തിലുള്ള ആദ്യ പദ്ധതിയാണ് ടുബ്ലി ഷെയ്ഖ് ഈസ ബിന് സല്മാന് ഹൈവേയ്ക്കു സമീപം ഉയരുക. പൊതുസ്ഥലങ്ങളിലും റോഡുകളിലും വില്പനയ്ക്കുള്ള കാറുകള് അനധികൃതമായി പാര്ക്ക് ചെയ്യുന്നതു വര്ഷങ്ങളായി രാജ്യം അഭിമുഖീകരിക്കുന്ന പ്രശ്നമാണ്. ഓക്ഷന് സെന്റര് വഴി വ്യാപാരം നടത്തുന്നതിലൂടെ കാര് ഉടമകള്ക്കും ഉപഭോക്താക്കള്ക്കും പല പ്രശ്നങ്ങളും ഒഴിവാക്കാനാകും.
വില്പനയ്ക്കു മുന്പു കാറുകള് പരിശോധിക്കുന്നതുവഴി വാഹനത്തിന്റെ നിലവിലെ സ്ഥിതി വ്യക്തമാക്കാനാകും. തിനുശേഷമാകും ഉപഭോക്താക്കളെ ഏല്പിക്കുക. സെക്കന്ഡ് ഹാന്ഡ് വിന്റേജ് കാറുകളും ഈ കേന്ദ്രം വഴി വില്പനയ്ക്കു വയ്ക്കാനാകും. രാജ്യത്തെ പ്രധാന കാര് കമ്പനികളെയും ഈ കേന്ദ്രത്തിലേക്ക് ഓഫിസ് തുറക്കാനായി ക്ഷണിക്കുന്നുണ്ട്. അവര്ക്ക് ഒന്നുകില് നിശ്ചിത നിരക്കില് അല്ലെങ്കില് ലേലത്തില് അവരുടെ വാഹനങ്ങള് വില്ക്കാനുള്ള സജ്ജീകരണങ്ങള് കേന്ദ്രത്തില് ഒരുക്കും. വിപണിയില് ലഭ്യമായ എല്ലാ ഇടപാടുകള്ക്കും കേന്ദ്രത്തിലും അവസരമുണ്ടാകും.
https://www.facebook.com/Malayalivartha
