റിയാദ് : സൗദിയിൽ രാജ്യാന്തര യോഗാദിനാഘോഷത്തിനുള്ള ഒരുക്കങ്ങൾ പൂർത്തിയായി. സമന്വയയും,ഇന്റർനാഷണൽ യോഗ ക്ലബും സംയുക്തമായി റിയാദിൽ നാളെ വിപുലമായ പരിപാടികൾ നടത്തുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. സൗദി പൗരന്മാരും,വിവിധ രാജ്യങ്ങളുടെ നയതന്ത്ര പ്രതിനിധികളും ചടങ്ങിൽ പങ്കെടുക്കും.

അഞ്ഞൂറോളം ആളുകൾ പങ്കെടുക്കുന്ന യോഗാ പ്രദർശനമുണ്ടാവും, ഇത്തവണ ചടങ്ങുകൾ വീക്ഷിക്കാൻ വിവിധ മേഖലകളിൽ നിന്നും രണ്ടായിരത്തോളം ആളുകളും എത്തിച്ചേരും.

യോഗയുടെ പ്രചാരണാർദ്ധം വൈവിധ്യമായ ഒട്ടേറെ പരിപാടികൾ നടത്തിയതായും ഭാരവാഹികൾ അറിയിച്ചു. ഇന്റർനാഷണൽ യോഗ ഡേ ആഘോഷകമ്മറ്റിയുടെ മുഖ്യഉപദേശകൻ സുബ്രമണ്യംതങ്കസാമി , വെട്രിവേൽ മുത്തുസാമി , മഗേഷ്പ്രഭാകര , സുനിൽമേനോൻ , രവികുമാർ , ദീപക് തുടങ്ങിയവർ വാർത്താസമ്മേളനത്തിൽ പങ്കെടുത്തു.