ഗൾഫിലെ മധ്യവേനല്‍ അവധി ആരംഭിച്ചതോടെ എങ്ങും വൻ തിരക്കാണ് അനുഭവപ്പെടുന്നത്. രണ്ടു മാസത്തെ അവധിക്കുശേഷം സെപ്റ്റംബര്‍ രണ്ടിനാണ് സ്കൂളുകൾ തുറക്കുക. അതേസമയം അവധി തുടങ്ങിയതോടെ കേരളത്തിലേക്കുള്ള വിമാനടിക്കറ്റ് നിരക്ക് പതിവുപോലെ ഇരട്ടിയിലധികമായി.

വിമാനത്തുക ഇരട്ടിയിലധികമായാലും അവധി തുടങ്ങിയതോടെ പ്രവാസി മലയാളികള്‍ അടക്കമുള്ളവര്‍ നാട്ടിലേക്ക് തിരിച്ചുതുടങ്ങി. പതിവുപോലെ വിമാനങ്ങളിലെ തിരക്കും നിരക്കും വര്‍ധിക്കുന്നതാണ് പ്രവാസികളെ പ്രയാസപ്പെടുത്തുന്നത്.

സാധാരണത്തേതിനേക്കാള്‍ നാലിരട്ടി വരെയെത്തി ടിക്കറ്റ് നിരക്ക്. രണ്ടാഴ്ച മുന്‍പ് തുടങ്ങിയ തിരക്ക് അടുത്തമാസം പകുതി വരെ നീളും. വിമാന ടിക്കറ്റ് നിരക്ക് താങ്ങാനാവാതെ അവധിക്കാലം ഇവിടെ കഴിച്ചു കൂട്ടുന്നവരും ധാരാളമുണ്ട്.