സൗദിയിൽ സ്ത്രീകൾ ഓടിക്കുന്ന വാഹനങ്ങളിൽ പുരുഷൻമാർക്കും സ്വാഗതം; നിബന്ധന ഒന്ന് മാത്രം
സൗദിയിൽ സ്ത്രീകൾ ഓടിക്കുന്ന ടാക്സി വാഹനങ്ങളിൽ കുടുംബ സമേതം പുരുഷന്മാർ യാത്ര ചെയ്യുന്നതിന് സൗദി പൊതുഗതാഗത അതോറിറ്റി അനുമതി നൽകി. സൗദി അറേബ്യയില് സ്ത്രീകള്ക്ക് വാഹനം ഓടിക്കാനുള്ള അനുമതി നല്കിയതിനു പിന്നാലെയാണ് ഈ തീരുമാനം.
ഡ്രൈവിങ് ലൈസന്സും സ്വന്തമായി വാഹനവും ഉള്ളവര്ക്ക് വ്യവസ്ഥകള്ക്ക് വിധേയമായി ഓണ്ലൈന് ടാക്സി കമ്പനികളില് ഡ്രൈവര്മാരായി രജിസ്റ്റര് ചെയ്യാന് അവകാശമുണ്ടെന്നും ടാക്സി മേഖലയില് പ്രവര്ത്തിക്കുന്നവര്ക്കിടയില് സ്ത്രീപുരുഷ ഭേദമന്യേ ഉപഭോക്താക്കള്ക്ക് ടാക്സി സേവനം നല്കുന്നതിന് വനിതകള്ക്ക് കഴിയുമെന്നും പൊതുഗതാഗത അതോറിറ്റി വ്യക്തമാക്കി.
വനിതകള്ക്ക് വാഹനം ഓടിക്കാന് അനുമതി നല്കിയതോടെ ടാക്സി സേവന മേഖലയില് തൊഴില് കണ്ടെത്തിയവർ നിരവധിപേരാണ്. എന്നാൽ ഇവരിൽ ഏറെപ്പേരും ഇഷ്ടപ്പെടുന്നത് ഓണ്ലൈന് ടാക്സി കമ്പനികളില് ജോലി ചെയ്യാനാണ്. രാജ്യത്ത് ഓണ് ടാക്സി പ്രയോജനപ്പെടുത്തുന്നവരില് 80 ശതമാനവും വനിതകളാണ്.
https://www.facebook.com/Malayalivartha
