സൗദി അറേബ്യ: സൗദിയില്‍ ബ്ലൂവെയില്‍ ഗെയിം കളിച്ച്‌ 12 വയസ്സിനു താഴെയുള്ള വിദ്യാര്‍ത്ഥി മരിച്ചു. സുഹൃത്തുക്കളും അഭിപ്രായമനുസരിച്ചാണ് ബ്ലൂവെയില്‍ ഗെയിം കളിച്ചു തുടങ്ങിയത്. അതേസമയം ഇത് സംബന്ധിച്ച വിവരങ്ങൾ സുരക്ഷാ ഉദ്യോഗസ്ഥര്‍ അന്വേഷണം നടത്തിവരികയാണെന്നും അദ്ദേഹം കൂട്ടിച്ചേര്‍ത്തു.

ഇതിനോടകം കൊലയാളി ഗെയിം നിരവധി പേരുടെ ജീവൻ എടുത്തുകഴിഞ്ഞു. ഇന്ത്യയിലും സമാനമായ ഒട്ടനവധി അനുഭവങ്ങള്‍ ഉണ്ടായിട്ടുണ്ട്. ബ്ലൂ വെയില്‍ എന്ന ഗെയിം കളിക്കുന്നയാളുകള്‍ ഒരോ സ്റ്റേജുകള്‍ പിന്നിടുമ്പോഴും സമനിലയില്‍ നിന്നും വഴുതി മാറുകയും അവസാന സ്റ്റേജില്‍ ആത്മഹത്യ ചെയ്യാന്‍ പ്രേരകമാകുന്നു എന്ന് വിദേശ മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.

റഷ്യയില്‍ 100 കൗമാരക്കാരാണ് ബ്ലൂവെയില്‍ ഗെയിം കാരണം മരണമടഞ്ഞതെന്നാണ്‌ റിപ്പോര്‍ട്ടുകള്‍. പാതിരാത്രിയില്‍ ഭീതിപ്പെടുത്തുന്ന പ്രേത സിനിമകള്‍ കാണാനാണ് ആദ്യഘട്ടത്തില്‍ ഗെയിം ആവശ്യപ്പെടുന്നത്. പിന്നീടുള്ള ലെവലിലേക്ക് പുരോഗമിക്കുമ്പോൾ സ്വന്തം ശരീരത്തില്‍ മുറിവേല്‍പ്പിക്കാനും ആവശ്യപ്പെടുന്നു. ഇതിന് തെളിവുകളായി ഫോട്ടോകള്‍ അയച്ച്‌ കൊടുക്കാനും ഗെയിമില്‍ നിര്‍ദ്ദേശിക്കുന്നുണ്ട്.