ആയിരക്കണക്കിന് ചിലന്തിവലകള്‍ നിറഞ്ഞ ഒരു കടല്‍ തീരത്തിന്റെ ഭീകരാന്തരീക്ഷം നിറഞ്ഞ ഞെട്ടിക്കുന്ന ചിത്രങ്ങളാണ് സോഷ്യല്‍മീഡിയയില്‍ നിറയുന്നത്. ഗ്രീസിലാണ് സംഭവം. ചെടികളും മരങ്ങളും പൂക്കളുമെല്ലാം ചിലന്തിവലകളാല്‍ മൂടപ്പെട്ടിരിക്കുന്ന അവസ്ഥയാണ്.

വളരെ ചെറിയ ഇനത്തില്‍പ്പെട്ട ആയിരക്കണക്കിന് ചിലന്തികളാണ് ഇവിടെയുള്ളത്. ഈ ചിലന്തികള്‍ക്ക് കരയിലൂടെയും വെള്ളത്തിലൂടെയും വളരെ വേഗത്തില്‍ സഞ്ചരിക്കുവാന്‍ സാധിക്കുമെന്നാണ് പഠനങ്ങള്‍ തെളിയിക്കുന്നത്. എന്നാല്‍ ഈ ചിലന്തികള്‍ മനുഷ്യനെ ഉപദ്രവിക്കില്ലെന്ന് ഇവിടത്തുകാര്‍ പറയുന്നു. ഈ ചിലന്തികളുടെ പ്രിയപ്പെട്ട ഭക്ഷണമായ ഗ്‌നാറ്റ് എന്നയിനത്തില്‍പ്പെട്ട പ്രാണി ഈ മേഖലയിലുള്ളതാണ് ചിലന്തികള്‍ ഇവിടെ വര്‍ധിക്കുവാന്‍ കാരണമാകുന്നത്.