മൂന്ന് വർഷത്തെ പ്രണയത്തിനൊടുവിൽ ഇന്ത്യന്‍ യുവാക്കള്‍ക്ക് കുടുംബാംഗങ്ങളുടെ ആശിര്‍വാദത്തോടെ അമേരിക്കയില്‍ വിവാഹം. ന്യൂജഴ്‌സിയില്‍ ജനിച്ച്‌ അവിടെ ഡാന്‍സ് കമ്പനി നടത്തുന്ന അമിത് ഷായും ആദിത്യ മദിരാജുമാണ് വിവാഹിതരായത്.

2016 ല്‍ ഒരു സുഹൃത്തിന്റെ ജന്മദിനാഘോഷത്തിനിടെയാണ് ഇവര്‍ കണ്ടുമുട്ടിയത്. തുടര്‍ന്ന് സുഹൃത്തുക്കളാകുകയും ഈ ബന്ധം പ്രണയത്തില്‍ എത്തുകയുമായിരുന്നു. ഇതോടെ വിവാഹിതരാകണമെന്ന ആഗ്രഹം ഇരുവരും വീട്ടുകാരെ അറിയിച്ചു. തുടര്‍ന്ന് വീട്ടുകാരുടെ പൂര്‍ണ്ണ സഹകരണത്തോടെ ഇന്ത്യന്‍ ചടങ്ങുകള്‍ അനുസരിച്ചുള്ള മെഹന്ദി പാര്‍ട്ടി ഉള്‍പ്പെടെയുള്ള ചടങ്ങുകളോടെയായിരുന്നു വിവാഹം. ഈ വര്‍ഷം ജനുവരിയില്‍ ഇരുവരും നിയമപരമായി വിവാഹിതരായിരുന്നു. മറ്റ് ചടങ്ങുകള്‍ ജൂലൈ 19 നും.