ഇന്ത്യയുടെ സ്വന്തം പ്രധാനമന്ത്രി നരേന്ദ്രമോദിയുടെ ചിത്രം ഇസ്രായേലിലെ ലിക്കുഡ് പാര്‍ട്ടി ആസ്ഥാന മന്ദിരത്തില്‍ വ്‌ളാദ്മിര്‍ പുടിന്‍, ഡൊണാള്‍ഡ് ട്രംപ് എന്നിവര്‍ക്കൊപ്പം ഇടംപിടിച്ചരിക്കുന്നു . കെട്ടിടത്തിന് മുകളിലെ കൂറ്റൻ ബാനറിലാണ് നരേന്ദ്രമോദിയുടെ ചിത്രം കാണാൻ സാധിക്കുക .നെതന്യാഹുവുമായി നേതാക്കള്‍ കൈ കൊടുക്കുന്നതാണ് ചിത്രം. നെതന്യാഹുവിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായാണ് 15 നിലയുള്ള കെട്ടിടത്തിന്റെ മൂന്നു വശങ്ങളിലും കൂറ്റന്‍ ബാനര്‍ കെട്ടിയത്.

നെതന്യാഹുവും ട്രംപും കൈ കൊടുക്കുന്ന ബാനര്‍ ഏപ്രിലില്‍ നടന്ന തെരഞ്ഞെടുപ്പിന്റെ സമയത്ത് പതിപ്പിച്ചതാണ്.അതേസമയം ബില്‍ഡിങ്ങിന്റെ നാലാമത്തെ ഭാഗത്ത് തത്ക്കാലത്തേക്ക് ബാനര്‍ പതിക്കുന്നില്ലെന്ന് ലിക്കുഡ് വക്താവ് പറഞ്ഞു .ഇസ്രായേലിന്റെ ചരിത്രത്തില്‍ സ്വർണ ലിപികളിൽ എഴുതപെട്ട പേരാണ് ഒരുപക്ഷെ നെതന്യാഹുവിൻറെത്ത്. ഏറ്റവും കൂടുതല്‍ കാലം പ്രധാനമന്ത്രിയായിരുന്ന നെതന്യാഹു ഇത്തവണ കടുത്ത തെരഞ്ഞെടുപ്പ് പോരാട്ടമാണ് നേരിടുന്നത്. രണ്ടാം മോദി സർക്കാർ അധികാരത്തിലെത്തിയപ്പോള്‍ ആദ്യം അഭിനന്ദനമറിയിച്ച് ലോകനേതാവ് നെതന്യാഹുവായിരുന്നു.