റസ്റ്റോറന്റില് നിന്ന് വാങ്ങിയ ഭക്ഷണ പൊതിയിൽ കണ്ടത് ഞെട്ടിക്കുന്നത്; സംഭവത്തിന് പിന്നാലെ റസ്റ്റോറന്റ് അടച്ചു പൂട്ടി
റസ്റ്റോറന്റില് നിന്ന് വാങ്ങിയ ഭക്ഷണം കഴിക്കാനായി തുറന്നപ്പോൾ ഞെട്ടി. പാര്സല് വാങ്ങി വീട്ടിലെത്തി പരിശോധിച്ചപ്പോള് ഭക്ഷണത്തില് കണ്ടത് എലിയുടെ അവശിഷ്ടം. സൗദി പൗരനാണ് അല് ജൂഫിലെ ഒരു റസ്റ്റോറന്റില് നിന്ന് വാങ്ങിയ ഭക്ഷണത്തിനൊപ്പം എലിയുടെ അവശിഷ്ടം കണ്ടത്.
സംഭവത്തെ തുടര്ന്ന് പാഴ്സൽ വാങ്ങിയ വ്യക്തി അധികൃതര്ക്ക് പരാതി നല്കി. മുനിസിപ്പാലിറ്റി ഇന്സ്പെക്ടര്മാര് റസ്റ്റോറന്റിലെത്തി നടത്തിയ പരിശോധനയിൽ ഭക്ഷണം പാചകം ചെയ്യുന്ന സ്ഥലത്ത് എലികളുണ്ടെന്നു കണ്ടെത്തി. ഇതിനു പിന്നാലെ റസ്റ്റോറന്റിലുണ്ടായിരുന്ന മുഴുവന് ഭക്ഷണവും അധികൃതര് നശിപ്പിച്ചു. ഉടന് ഹോട്ടല് അടച്ചുപൂട്ടാനും കനത്ത പിഴ നല്കാനും ഹോട്ടലുടമകള്ക്ക് അധികൃതര്ക്ക് നിര്ദേശം കൊടുത്തു. ഹോട്ടല് പരിശോധനയ്ക്കിടെ മറ്റ് ചട്ട ലംഘനങ്ങളും കണ്ടെത്തുകയും മുനിസിപ്പാലിറ്റിക്ക് റിപ്പോര്ട്ട് നല്കുകയും ചെയ്തു.
https://www.facebook.com/Malayalivartha