ചൂടെടുക്കുമ്പോൾ തണുപ്പിക്കും; തണുക്കുമ്പോൾ ചൂടാക്കും; ധരിക്കാവുന്ന എയര്‍ കണ്ടീഷണറും ഹീറ്ററുമായി സോണി
ചൂടെടുക്കുമ്പോൾ എയർ കണ്ടിഷൻ തേടി ഇനി അലയേണ്ട ധരിക്കാവുന്ന എയര്‍ കണ്ടീഷന്‍ വിപണിയില്‍ അവതരിപ്പിക്കാനൊരുങ്ങുകയാണ് സോണി. ചൂടെടുക്കുമ്പോൾ തണുപ്പിക്കുക മാത്രമല്ല തണുക്കുമ്പോൾ ചൂട് നൽകുകയും ചെയ്യുന്ന സംവിധാനമാണ് ഒരുക്കിയിരിക്കുന്നത്. സോണിയുടെ ക്രൌഡ് ഫണ്ടിംഗ് പ്ലാറ്റ്ഫോമിന്‍റെ ഭാഗമായാണ് ഈ വെയറബിള്‍ എയര്‍കണ്ടീഷണര്‍ വികസിപ്പിച്ചിരിക്കുന്നത്. റിയോണ്‍ പോക്കറ്റ് എന്നാണ് ഇതിന് പേരിട്ടിരിക്കുന്നത്. വൈന്‍ കൂളര്‍, കാറുകള്‍ എന്നിവയില്‍ ഉപയോഗിക്കുന്ന പെല്‍ടയര്‍ എന്ന വസ്തുവാണ് ഈ ഉപകരണത്തില്‍ ഉപയോഗിച്ചിരിക്കുന്നത്. റിയോണ്‍ പോക്കറ്റ് രണ്ട് മണിക്കൂര്‍ നേരം ചാര്‍ജ്ജ് ചെയ്യണം.
സോണിയുടെ ഫസ്റ്റ് ഫ്ലൈറ്റ് ക്രൌഡ് ഫണ്ടിംഗ് പ്ലാറ്റ്ഫോമില്‍ നിന്നുള്ള ഈ ഉപകരണം ജപ്പാനില്‍ മാത്രമാണ് ലഭ്യമാവുക. ഇതിന് ഉദ്ദേശം 130 ഡോളര്‍ വരെയാണ് വില. റിയോണ്‍ പോക്കറ്റ് ഉപകരണത്തിനോപ്പം ഇത് ഘടിപ്പിക്കാനായി പ്രത്യേക അടിവസ്ത്രവും ലഭിക്കും. അടി വസ്ത്രമായ ബനിയന്‍ പോലുള്ള അടിവസ്ത്രങ്ങളില്‍ ഘടിപ്പിക്കും വിധമാണ് ഇത് നിര്‍മ്മിച്ചിരിക്കുന്നത്. അതിന്‍റെ മുകളില്‍ ഷര്‍ട്ടോ മറ്റ് വസ്ത്രങ്ങളോ ധരിക്കാവുന്നതാണ്. ഇതിനൊപ്പമുള്ള മൊബൈല്‍ ആപ്ലിക്കേഷന്‍സ് ഉപയോഗിച്ചാണ്‌ റിയോണ്‍ പോക്കറ്റിന്‍റെ താപനില നിയന്ത്രിക്കുന്നത്.
https://www.facebook.com/Malayalivartha
