തീം പാര്‍ക്കിലെ കൃത്രിമ സുനാമിയില്‍പ്പെട്ട് നിരവധി പേര്‍ക്ക് പരുക്ക്
ചൈനയിലെ ഒരു വാട്ടര്‍ തീം പാര്‍ക്കില്‍ സൃഷ്ടിച്ച കൃത്രിമ സുനാമിയില്‍ വിനോദസഞ്ചാരികള്‍ക്ക് പരുക്ക്.
സ്വിമ്മിംഗ് പൂളില്‍ കൃത്രിമമായി ഉണ്ടാക്കിയ സുനാമിത്തിരയില്‍പ്പെട്ടാണ് 44 പേര്‍ക്ക് പരുക്കേറ്റത്. ചൈനയിലെ ഷൂയുന്‍ വാട്ടര്‍ തീം പാര്‍ക്കില്‍ നടന്ന അപകടത്തിന്റെ വിഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുകയാണ്.
കുട്ടികളും മുതിര്‍ന്നവരുമായി ഒട്ടേറെ പേര്‍ പൂളില്‍ ഉണ്ടായിരുന്ന സമയത്ത് തിരമാലകള്‍ ആഞ്ഞടിച്ചതോടെ സഞ്ചാരികള്‍ കരയിലേക്ക് ഓടി. ഈ സമയം പലര്‍ക്കും വീണതിനെ തുടര്‍ന്നാണ് പരുക്കേറ്റത്.
അതിവേഗത്തോടെയാണ് തിരമാലകള്‍ അടിച്ചത്. തിരമാല ഉണ്ടാക്കുന്ന യന്ത്രം തകരാറിലായതാണ് അപകടമുണ്ടാകാന്‍ കാരണമെന്ന് വാട്ടര്‍ തീം പാര്‍ക്ക് അധികൃതര്‍ നല്‍കുന്ന വിശദീകരണം.
അപകടത്തെ തുടര്‍ന്ന് പാര്‍ക്ക് അടച്ചിട്ടിരിക്കുകയാണെന്നും ദ അസോസിയേറ്റഡ് പ്രസ് റിപ്പോര്‍ട്ട് ചെയ്യുന്നു.
https://www.facebook.com/Malayalivartha
