ഇന്ത്യയും പാക്കിസ്ഥാനും ആവശ്യപ്പെട്ടാല് കാശ്മീര് പ്രശ്നത്തില് ഇടപെടാന് തയ്യാറെന്ന് യുഎസ് പ്രസിഡന്റ് ഡൊണാള്ഡ് ട്രംപ്
ഇന്ത്യയും പാക്കിസ്ഥാനും ആവശ്യപ്പെട്ടാല് കാഷ്മീര് പ്രശ്നത്തില് ഇടപെടാന് തയ്യാറെന്ന് യുഎസ് പ്രഡിഡന്റ് ഡൊണാള്ഡ് ട്രംപ്. ഇന്നലെ മാധ്യമങ്ങളെ കാണാവെയാണ് ട്രംപ് ഇക്കാര്യം വ്യക്തമാക്കിയത്. കാശ്്മീര് പ്രശ്നം പരിഹരിക്കേണ്ട ഉത്തരവാദിത്തം ഇന്ത്യക്കും പാക്കിസ്ഥാനുമാണെന്നും തന്റെ മധ്യസ്ഥ വാഗ്ദാനം സ്വീകരിക്കണോ വേണ്ടയോ എന്നത് പ്രധാനമന്ത്രി നരേന്ദ്ര മോദിയാണു തീരുമാനിക്കേണ്ടതെന്നും അദ്ദേഹം പറഞ്ഞു.
എങ്ങനെ കാശ്മീര് പ്രശ്നം പരിഹരിക്കാനാണ് ഉദ്ദേശിക്കുന്നതെന്ന ചോദ്യത്തിന്, അവര് ആവശ്യപ്പെട്ടാല് തീര്ച്ചയായും ഇടപെടുമെന്ന മറുപടിയില് ട്രംപ് പ്രസ്താവന ഒതുക്കി. കഴിഞ്ഞ ആഴ്ച പാക്കിസ്ഥാന് പ്രധാനമന്ത്രി ഇമ്രാന് ഖാനുമായുള്ള കൂടിക്കാഴ്ചയ്ക്കുശേഷം കാശ്മീര് പ്രശ്നം പരിഹരിക്കാന് ട്രംപ് സഹായം വാഗ്ദാനം ചെയ്തിരുന്നു.
മോദി തന്നോടു സഹായം ആവശ്യപ്പെട്ടെന്നും ട്രംപ് പറഞ്ഞു. എന്നാല് ഇന്ത്യ ട്രംപിന്റെ അവകാശവാദം തള്ളി.
മോദി ട്രംപിനോടു സഹായം ആവശ്യപ്പെട്ടിട്ടില്ലെന്നും കാശ്മീര് വിഷയത്തില് പുറത്തുനിന്നുള്ള ഇടപെടല് ആവശ്യമില്ലെന്നും ഇന്ത്യ വ്യക്തമാക്കി.
"
https://www.facebook.com/Malayalivartha