പാറക്കെട്ടുകളില് ഹൈക്കിംഗിനിടെ 20 മീ താഴേക്ക് വഴുതി വീണു; കഥ പറയാന് ഇപ്പോഴും ബാക്കിയായതില് ബാലന് അത്ഭുതം!
ആസ്ട്രേലിയയിലെ പെര്ത്തില്, കുത്തനെയുള്ള പാറക്കെട്ടുകളില് ഹൈക്കിംഗ് നടത്തുന്നതിനിടെ നിലതെറ്റി താഴേക്ക് വീണ 15-കാരന് അല്ഭുതകരമായി രക്ഷപെട്ടു.
നഥാന് ഡാറ്റ്സിനാണ് പെര്ത്തിന്റെ വടക്കു കിഴക്കന് ഭാഗത്തുള്ള ബെല്സ് റാപ്പിഡ്സില് വച്ച് അപകടം ഉണ്ടായത്. ജൂലൈ 19-ന് ഹൈക്കിംഗിനിടെ പാറക്കെട്ടുകള്ക്കിടയിലൂടെ നീങ്ങുന്ന ആട്ടിന്കൂട്ടത്തെ കാണാന് എത്തിനോക്കിയപ്പോള് 20 മീറ്റര് താഴ്ചയിലേക്ക് വഴുതി വീഴുകയായിരുന്നു നഥാന്.
വീഴ്ചയില് നഥാന്റെ തലയോട്ടി പൊട്ടുകയും കൈത്തണ്ടയ്ക്കും കൈമുട്ടിനും പരുക്ക് ഏല്ക്കുകയും ചെയ്തു. എന്നാല് പരുക്കുകളൊന്നും ഗുരുതരമല്ല. നധാന്റെ അപകടം അവിടെ ഉണ്ടായിരുന്ന ഡ്രോണ് പകര്ത്തുകയും ചെയ്തു.
നഥാന്റ സുഹൃത്തായ പാട്രിക് ഉടന് തന്നെ ആംബുലന്സ് വിളിച്ചുവരുത്തി ആശുപത്രിയില് എത്തിക്കുകയായിരുന്നു.താന് ഇപ്പോഴും ജീവിച്ചിരിപ്പുണ്ടെന്ന് വിശ്വസിക്കാന് വയ്യ എന്നാണ് നഥാന് പറയുന്നത്.
https://www.facebook.com/Malayalivartha