ഇന്തോനേഷ്യയിലെ ജാവയിലുണ്ടായ ഭൂകമ്പത്തില് അഞ്ച് പേര്ക്ക് ദാരുണാന്ത്യം, നിരവധി പേര്ക്ക് പരിക്ക്
ഇന്തോനേഷ്യയിലെ ജാവയിലുണ്ടായ ഭൂകമ്പത്തില് അഞ്ച് പേര് മരിച്ചു. നിരവധി പേര്ക്കു പരിക്കേറ്റു. ഭൂകമ്പത്തില് 13 വീടുകള് ഉള്പ്പെടെ 200 കെട്ടിടങ്ങള് തകര്ന്നു. 1,000 പേരെ സുരക്ഷിത സ്ഥലങ്ങളിലേക്ക് മാറ്റിയതായെന്നും ദേശീയ ദുരന്തനിവാരണ ഏജന്സി കൂട്ടിച്ചേര്ത്തു. വെള്ളിയാഴ്ചയാണ് ഇന്തോനേഷ്യന് തലസ്ഥാനമായ ജക്കാര്ത്തയില്നിന്ന് 150 കിലോമീറ്റര് അകലെ ജാവയിലെ ലാബുവനില് റിക്ടര് സ്കെയിലില് 6.9 തീവ്രതയുള്ള ഭൂകമ്പം അനുഭവപ്പെട്ടത്.
അതിനെത്തുടര്ന്നു ജാവായ്ക്കും സുമാത്രയ്ക്കും മധ്യേ സുന്ഡാ ഉള്ക്കടലില് സുനാമി ഉണ്ടാകാമെന്നു മുന്നറിയിപ്പു നല്കിയെങ്കിലും പിന്നീടു പിന്വലിച്ചിരുന്നു.
https://www.facebook.com/Malayalivartha