യുഎസിലെ ടെക്‌സാസിലുള്ള വാള്‍മാര്‍ട്ട് സ്‌റ്റോറില്‍ യുവാവ് നടത്തിയ വെടിവയ്പില്‍ 20 പേര്‍ കൊല്ലപ്പെട്ടു. 26 പേര്‍ക്ക് പരിക്കേറ്റു. 21 വയസുകാരനാണ് കൂട്ടക്കൊല നടത്തിയത്. ആക്രമണത്തിന്റെ കാരണം വ്യക്തമല്ല.

എല്‍ പാസോ നഗരത്തിലെ ഷോപ്പിംഗ് സെന്ററിനു സമീപമുള്ള സ്‌റ്റോറിലാണ് സംഭവം. സ്‌റ്റോറിലെത്തിയ തോക്കുധാരി ആളുകള്‍ക്ക് നേരെ തുരുതുരെ വെടിയുതിര്‍ക്കുകയായിരുന്നു. സ്‌കൂളിലേക്കുള്ള സാധനങ്ങളും മറ്റും വാങ്ങുന്നതിനായി കുട്ടികളടക്കം നിരവധി പേര്‍ കടയിലുണ്ടായിരുന്നു.

ഡാളസ് സ്വദേശിയായ പാട്രിക് ക്രൂസിയന്‍ എന്നയാളാണ് അക്രമി എന്നാണ് സ്ഥിരീകരിക്കാത്ത റിപ്പോര്‍ട്ട്. ആക്രമണത്തിന്റെ കാരണം സംബന്ധിച്ച വിവരങ്ങളൊന്നും ഇതുവരെ പുറത്തുവന്നിട്ടില്ല.