നായയെ കൊല്ലാന്‍ പോലീസ് ഉതിര്‍ത്ത വെടിയുണ്ട തുളച്ചുകയറി യുവതി മരിച്ചു
യുഎസിലെ ആര്‍ലിങ്ടണില്‍ ഒരു സ്ത്രീ സമീപത്തുള്ള പുല്‍ത്തകിടിയില്‍ ബോധരഹിതയായി കിടക്കുന്നു എന്ന വിവരം ലഭിച്ചതനുസരിച്ച് പൊലീസ് സ്ഥലത്തെത്തി.
എന്നാല്‍ അപ്പോഴേയ്ക്കും ഒരു നായ പൊലീസിനു നേരെ കുരച്ച് ഓടിയടുത്തു. ഉടന്‍ പൊലീസ് ഉദ്യോഗസ്ഥന്‍ നായയുടെ നേരെ വെടിയുതിര്‍ക്കുകയായിരുന്നു. തോക്കില്‍ നിന്നു ചീറിപ്പാഞ്ഞ വെടിയുണ്ട തുളച്ചു കയറിയത് യുവതിയുടെ മാറിലായിരുന്നു.
മുപ്പതു വയസുകാരിയായ ആ യുവതി തല്‍ക്ഷണം മരണപ്പെടുകയായിരുന്നു. ഉടന്‍ സമീപത്തുള്ള ആശുപത്രിയില്‍ പ്രവേശിപ്പിച്ചെങ്കിലും ജീവന്‍ നഷ്ടപ്പെട്ടിരുന്നു.
വെടിയേറ്റു മരിച്ച മാര്‍ഗരീറ്റ വിക്ടോറിയ ആര്‍ലിങ്ടന്‍ ഫയര്‍ ക്യാപ്റ്റന്റെ മകളാണെന്ന് പിന്നീടു പൊലീസ് വെളിപ്പെടുത്തി.
കൊല്ലപ്പെട്ട യുവതിയുടേതായിരുന്നു നായ. ഇവര്‍ ബോധരഹിതയായി കിടന്നത് ഏതു സാഹചര്യത്തിലാണെന്നു പൊലീസ് അന്വേഷിക്കുകയാണ്. വെടിവച്ച പൊലീസ് ഉദ്യോഗസ്ഥനെ അഡ്മിനിസ്‌ട്രേറ്റീവ് ലീവില്‍ പ്രവേശിപ്പിച്ചു.
https://www.facebook.com/Malayalivartha
