ആര്‍ട്ടിക്കിള്‍ 370... ഇന്ത്യയുടെ നീക്കത്തിന് റഷ്യയുടെ പിന്തുണ
10 AUGUST 2019 07:05 PM IST
മലയാളി വാര്‍ത്ത
കശ്മീര്‍ ആര്‍ട്ടിക്കിള്‍ 370 സംബന്ധിച്ചുള്ള ഇന്ത്യയുടെ നീക്കം ഭരണഘടനയുടെ ചട്ടക്കൂടിനുള്ളില്‍ നിന്നുകൊണ്ടുള്ളതാണെന്ന് റഷ്യ. ഷിംല കരാറിന്റെയും ലാഹോര്‍ പ്രഖ്യാപനത്തിന്റെയും അടിസ്ഥാനത്തില്‍ ഇന്ത്യയും പാക്കിസ്ഥാനും തമ്മിലുള്ള അഭിപ്രായ വ്യത്യാസങ്ങള്‍ ഉഭയകക്ഷിപരമായി പരിഹരിക്കപ്പെടുമെന്ന് പ്രതീക്ഷിക്കുന്നതായും റഷ്യ അറിയിച്ചു.
കശ്മീര്‍ വിഷയവുമായി ബന്ധപ്പെട്ട് അതിര്‍ത്തിയിലെ പിരിമുറുക്കം വര്‍ദ്ധിപ്പിക്കരുതെന്ന് റഷ്യ പാകിസ്ഥാന് നിര്‍ദേശം നല്‍കി. അതേസമയം, ജമ്മുകശ്മീരിന്റെ പ്രത്യേക പദവി ഒഴിവാക്കാനും സംസ്ഥാനത്തെ രണ്ട് കേന്ദ്രഭരണ പ്രദേശങ്ങളായി രൂപപ്പെടുത്താനുമുള്ള ഇന്ത്യയുടെ തീരുമാനം മൂലം ഇന്ത്യയും പാക്കിസ്ഥാനും തമ്മിലുള്ള മേഖലയിലെ സ്ഥിതിഗതികള്‍ വഷളാക്കാന്‍ അനുവദിക്കില്ലെന്നും വിദേശകാര്യ മന്ത്രാലയം വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
