അഞ്ചു വർഷമായി നിയമ ലംഘനങ്ങളും അപകടങ്ങളും വരുത്താതെ കൃത്യമായ വാഹനം ഓടിച്ചു. ദുബായ് സ്വദേശിയായ വ്യക്തിക്ക് പോലീസ് സമ്മാനിച്ചത് പുത്തന്‍ കാര്‍. നിയമലംഘനങ്ങളൊന്നും വരുത്താതെ വാഹമോടിച്ച സൈഫ് അല്‍ സുവൈദിയ്ക്കാണ് കാര്‍ സമ്മാനമായി കിട്ടിയിരിക്കുന്നത്. എന്നാൽ സമ്മാനം ഏറ്റു വാങ്ങിയത് സൈഫിൻറെ പിതാവാണ്. മറ്റൊരു യാത്രയിലായതിനാൽ സൈഫ് സ്ഥലത്തില്ല. ഒരു കൂട്ടർ നിയമലംഘനത്തിന് കനത്ത പിഴ ഏറ്റു വാങ്ങുമ്പോൾ മറുവശത്ത് നിയമങ്ങള്‍ പാലിച്ച്‌ വാഹനമോടിക്കുന്ന സൈഫിനെ പോലെയുള്ളവർ മാതൃകയാകുകയാണ്. അങ്ങനെയുള്ളവരെ പോലീസ് പ്രോത്സാഹിപ്പിക്കുകയും ചെയ്യുന്നു.

മാതൃകപരമാണ് ദുബായിലെ ഈ ചട്ടങ്ങൾ. ഒരു മാസം നിയമങ്ങള്‍ കൃത്യമായി പാലിച്ച്‌ വാഹനമോടിച്ചാല്‍ ഒരു വൈറ്റ് പോയിന്റ് ലഭിക്കുന്നു. ഒരു വര്‍ഷം 12 പോയിന്റുകള്‍ വരെ ഇങ്ങനെ ലഭിക്കുന്നവരുണ്ട്. കഴിഞ്ഞ അഞ്ച് വര്‍ഷം ഒരു നിയമ ലംഘനവും നടത്താതെ വൈറ്റ് പോയിന്റുകളെല്ലാം സ്വന്തമാക്കിയവരുടെ പേരുകള്‍ നറുക്കിട്ടെടുത്താണ് സുവൈദിന് സമ്മാനം നല്‍കിയത്. ചീഫ് ഓപ്പറേഷന്‍സ് അസിസ്റ്റന്റ് കമാന്‍ഡര്‍ മേജര്‍ ജനറല്‍ മുഹമ്മദ് സൈഫ് അല്‍ സഫിയനാണ് ഈ കാര്യം വ്യക്തമാക്കിയത്.