ശബരിമല നട ചിങ്ങമാസ പൂജകള്‍ക്കായി ഇന്ന് തുറക്കും
ശബരിമല നട ഇന്ന് വൈകുന്നേരം അഞ്ച് മണിക്ക് തന്ത്രി കണ്ഠരര് മഹേഷ് മോഹനരുടെ മുഖ്യ കാര്‍മ്മികത്വത്തില്‍ ക്ഷേത്ര മേല്‍ശാന്തി വിഎന്‍ വാസുദേവന്‍ നമ്പൂതിരി ശ്രീകോവില്‍ നട തുറന്ന് ദീപം തെളിക്കും. തുടര്‍ന്ന് ഉപദേവതാ ക്ഷേത്രങ്ങളിലെയും ശ്രീകോവില്‍ നടകള്‍ തുറന്ന് വിളക്കുകള്‍ തെളിക്കും. ശേഷം ക്ഷേത്ര തന്ത്രി കണ്ഠരര് മോഹനര് ഭക്തര്‍ക്ക് വിഭൂതി പ്രസാദം വിതരണം ചെയ്യും. പതിനെട്ടാം പടിക്കു മുന്നിലെ ആഴിയില്‍ അഗ്നി പകരുന്നതോടെ ഭക്തരെ പതിനെട്ടാം പടി കയറി ദര്‍ശനം നടത്താന്‍ അനുവദിക്കും.
നട തുറക്കുന്ന ദിവസം പൂജകള്‍ ഒന്നുമില്ല. ചിങ്ങം ഒന്നായ നാളെ പുലര്‍ച്ചെ അഞ്ചു മണിക്ക് മേല്‍ശാന്തി ക്ഷേത്ര നട തുറക്കും. തുടര്‍ന്ന് നിര്‍മ്മാല്യവും നെയ്യഭിഷേകവും നടക്കും. ക്ഷേത്രനട തുറന്നിരിക്കുന്ന അഞ്ച് ദിവസങ്ങളില്‍ പതിവ് പൂജകള്‍ക്കു പുറമേ നെയ്യഭിഷേകവും. കളഭാഭിഷേകവും പടിപൂജ, പുഷ്പാഭിഷേകം എന്നിവയുണ്ടാകും
21 ന് രാത്രി 10 ന് ഹരിവരാസനം പാടി നട അടയ്ക്കും
https://www.facebook.com/Malayalivartha
