മനുഷ്യൻ ചെയ്യുന്ന കാര്യങ്ങൾ മൃഗങ്ങൾ ചെയ്താൽ അത് കൗതുകത്തിലേക്ക് വഴി മാറും. അങ്ങനെ സോഷ്യൽ മീഡിയയിൽ ഒരു കരടി കൗതുകമാകുകയാണ്. ഡാൻസ് ചെയ്യുന്ന കരടി എന്ന തരത്തിലാണ് വീഡിയോ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. യുഎസിലെ അക്രോണ്‍ മൃഗശാലയിലെ ചീയെനീ കരടിയാണ് താരം. ഡാൻസ് ചെയ്യുന്നു എന്ന് പറയുന്നെങ്കിലും യഥാർത്ഥത്തിൽ ചൊറിച്ചില്‍ അനുഭവപ്പെട്ടതിനെ തുടര്‍ന്ന് കൂടിന്റെ വാതിലിൽ നിന്ന് കരടി ശരീരം ഉരസ്സുന്നതാണ് വീഡിയോ.

ഏതായലും ഈ ദൃശ്യം കരടി ഡാന്‍സ് എന്ന പേരില്‍ വൈറലായി കൊണ്ടിരിക്കുകയാണ്. സംഭവം വൈറലായതിനെ പിന്നാലെ നിരവധിപേരാണ് കമന്റുമായി വന്നിരിക്കുന്നത്. കരടിയുടെ ലളിതമായ ആവശ്യമല്ലേ ചെയ്യുന്നതെന്ന് ചിലർ അഭിപ്രായപ്പെടുന്നു. അക്രോണ്‍ മൃഗശാല അധികൃതരാണ് വീഡിയോ സോഷ്യല്‍ മീഡിയയില്‍ പങ്കുവെച്ചിരിക്കുന്നത്. കരടിയുടെ ഈ പ്രവർത്തിയെ മൊബൈലിൽ പകർത്തുന്നവരെയും വിഡിയോയിൽ കാണാം. ഒപ്പം ഒരു കുട്ടി കരടിയുടെ ശരീരം അനങ്ങുന്നതിനൊപ്പം കളിക്കുന്നുമുണ്ട്.