ഇന്‍സ്റ്റഗ്രാമിലെ വ്യാജ സന്ദേശങ്ങള കണ്ടെത്താന്‍ ഫ്ലാഗിങ് ഫീച്ചര്‍ അവതരിപ്പിക്കാനൊരുങ്ങി ഫെയ്‌സ്ബുക്ക്
ഇന്‍സ്റ്റാഗ്രാമില്‍ ഫ്ലാഗിങ് ഫീച്ചര്‍ അവതരിപ്പിക്കാനൊരുങ്ങുകയാണ് ഫെയ്‌സ്ബുക്ക്. ചില കാര്യങ്ങളുടെ പ്രാചാരണം തടയാന്‍ ഈ ഫീച്ചര്‍ ഉപയോഗപ്രദമാകും. അമേരിക്കയിലാണ് ആദ്യമായി ഈ ഫീച്ചര്‍ എത്തുന്നത്. പിന്നീട് മറ്റ് ഉപയോക്താക്കളിലേക്കും എത്തിക്കും. ഫോട്ടോ സ്ട്രീമിങ് സോഷ്യല്‍ മീഡിയ പ്ലാറ്റ്ഫോമാണ് ഇന്‍സ്റ്റഗ്രാം.
ഏതെങ്കിലും തരത്തിലുള്ള വ്യജവാര്‍ത്തകള്‍ ഇന്‍സ്റ്റാഗ്രാമില്‍ കാണുകയാണെങ്കിൽ അത് ഇന്‍സ്റ്റാഗ്രാമിനെ അറിയിക്കാവുന്നതാണ്. തെറ്റുകൾ ചൂണ്ടിക്കാട്ടിയാല്‍ ഫേസ്ബുക്ക് അതിന്റെ സത്യാവസ്ഥ പരിശോധിക്കുക തന്നെ ചെയ്യും. പക്ഷേ ഉള്ളടക്കം തെറ്റാണെന്ന് കണ്ടെത്തിയാൽ അത് ഇന്‍സ്റ്റാഗ്രാമില്‍ നിന്ന് നീക്കം ചെയ്യുകയില്ല. ഉപയോക്താക്കളുടെ ന്യൂസ് ഫീഡിന് പകരം അവ എക്‌സ്‌പ്ലോര്‍ എന്നതിന് കീഴിലും ഹാഷ്ടാഗുകളിലുമാണ് കാണുക. വ്യാജവാര്‍ത്തകള്‍ ശ്രദ്ധയില്‍പെടുന്നവർ ഇന്‍സ്റ്റഗ്രാം പോസ്റ്റിന്റെ വലതു ഭാഗത്തിൻറെ മുകളിലുള്ള മൂന്ന് ഡോട്ട് മെനുവില്‍ ക്ലിക്ക് ചെയ്യുക. ഇറ്റ്‌സ് ഇൻ അപ്പ്രോപ്രിയേറ്റ് എന്ന സെലക്‌ട് ചെയ്തതിന് ശേഷം ഫാൾസ് ഇൻഫർമേഷൻ എന്നത് ക്ലിക്ക് ചെയ്യുക. ഈ വിധം ചെയ്താല്‍ അതില്‍ നിന്നും വ്യാജവാര്‍ത്തകളെയും വിവരങ്ങളെയും കണ്ടെത്താമെന്നാണ് ഇന്‍സ്റ്റഗ്രാം അധികൃതര്‍ അറിയിക്കുന്നത്.
https://www.facebook.com/Malayalivartha
