വര്‍ഷങ്ങളോളം സ്വന്തം വിദ്യാര്‍ഥിയെ ലൈംഗികമായി പീഡിപ്പിച്ച അധ്യാപകയ്ക്ക് അഞ്ച് വര്‍ഷം തടവും പത്ത് വര്‍ഷം പ്രൊബേഷന്‍ പീരിയഡും ശിക്ഷ വിധിച്ച് കോടതി. മുന്‍ വിദ്യാര്‍ത്ഥിയില്‍ നിന്നും ഗര്‍ഭിണിയായ അധ്യാപിക നാല് കുഞ്ഞുങ്ങള്‍ക്ക് ്ജന്മം നല്‍കുകയും ചെയ്തിരുന്നു.

അമേരിക്കയിലെ വിര്‍ജീനിയിലാണ് സംഭവം. വീലിംഗ് പാര്‍ക്ക് ഹൈസ്‌കൂള്‍ അധ്യാപികയായ 42-കാരി എലിസബത്ത് ഹാര്‍ബര്‍ട്ടിനാണ് ഒഹിയോ കൗണ്ടി കോടതി ശിക്ഷ വിധിച്ചിരിക്കുന്നത്. ഇപ്പോള്‍ 28 വയസുള്ള പൂര്‍വ്വ വിദ്യാര്‍ത്ഥി അധ്യാപികയ്ക്ക് എതിരേ രംഗത്തെത്തിയതോടെയാണ് പോലീസ് ഇവരെ അറസ്റ്റ് ചെയ്തത്.

താന്‍ സ്‌കൂളില്‍ പഠിക്കുന്ന സമയം മുതല്‍ തന്റെ അധ്യാപികയായി എത്തിയ എലിസബത്തുമായി ബന്ധമുണ്ടായിരുന്നെന്ന് ഇയാള്‍ പറയുന്നു. അധ്യാപികയുമായി പരിചയപ്പെട്ട ശേഷം അവര്‍ താനുമായി പലപ്പോഴും കൂടികണ്ടു. തന്റെ ഫോണ്‍ നമ്പര്‍ വാങ്ങി മെസേജുകള്‍ അയയ്ക്കുകയും ഫോണ്‍ കോളുകള്‍ ചെയ്യുകയും ചെയ്തു, വിദ്യാര്‍ത്ഥി പറഞ്ഞു. തന്റെ 13-ാം വയസ്സില്‍ അധ്യാപികയും ഭര്‍ത്താവും കഴിഞ്ഞിരുന്ന വീട്ടില്‍ താമസിച്ച് പഠിക്കാന്‍ അനുവദിച്ചതിനെ തുടര്‍ന്നാണ് അധ്യാപികയുമായുള്ള ലൈംഗികബന്ധം ആരംഭിച്ചതെന്ന് ഇയാള്‍ പറയുന്നു.

പിന്നീട് അവര്‍ വിവാഹമോചിതയായെന്നും ആ സമയത്ത് അയാള്‍ അയാളുടെ മുത്തശ്ശിയുടെ വീട്ടിലായിരുന്നുവെന്നും പറയുന്നു. പിന്നീട് മുത്തശ്ശി ഇല്ലാത്ത സമയങ്ങളില്‍ അധ്യാപിക എത്തുമായിരുന്നെന്നും വര്‍ഷങ്ങളോളം അത് തുടര്‍ന്നുവെന്നും അയാള്‍ പറയുന്നു. അധ്യാപികയുടെ വീട്ടില്‍ വെച്ചും പല ഹോട്ടലുകളില്‍ വെച്ചും ഇരുവരും ലൈംഗികബന്ധത്തിലേര്‍പ്പെടുകയും ചെയ്തുവത്രേ.  പല അവധി ആഘോഷങ്ങളും ഇരുവരും ഒന്നിച്ചായിരുന്നു.

ഈ ബന്ധത്തില്‍ നിന്നും നാല് കുഞ്ഞുങ്ങള്‍ അവര്‍ക്കുണ്ടായെന്നും ആ ബന്ധത്തില്‍ നിന്നും രക്ഷപ്പെടാനാണ് ഇപ്പോള്‍ കേസുമായി മുന്നോട്ട് വന്നതെന്നുമാണ് അയാള്‍ പറഞ്ഞത്. അധ്യാപിക തന്നെ പീഡിപ്പിക്കുകയായിരുന്നു എന്ന് കാട്ടി ഇയാള്‍ നല്‍കിയ പരാതിയെ തുടര്‍ന്നാണ് അധ്യാപിക അകത്തായത്.