ഇന്തോനേഷ്യന്‍ കടത്തുകപ്പലിന് തീപിടിച്ച് നാലു പേര്‍ മരിച്ചു. 34 പേരെ കാണാതായി. ഇന്തോനേഷ്യയിലെ രണ്ടാമത്തെ വലിയ നഗരമായ സുരബായയില്‍ നിന്നും ബോര്‍ണിയോ ദ്വീപിലെ ബാലിക്പപനിലേക്കുള്ള യാത്രാമധ്യേ ജാവാ ദ്വീപിന് സമീപമാണ് അപകടമുണ്ടായത്. 240 ഓളം പേരെ കപ്പലുകളിലും ബോട്ടുകളിലും രക്ഷപ്പെടുത്തി.
കാണാതായ 34 പേര്‍ക്കുവേണ്ടി തെരച്ചില്‍ പുരോഗമിക്കുകയാണെന്നും ഇന്തോനേഷ്യന്‍ ദേശീയ രക്ഷാസേന വക്താവ് യൂസഫ് ലത്തീഫ് പറഞ്ഞു. തീപിടിത്തമുണ്ടാകാനുള്ള കാരണം വ്യക്തമല്ല. സംഭവത്തില്‍ പോലീസ് അന്വേഷണം തുടങ്ങി.