'ആശയക്കുഴപ്പമാണ് താങ്കളുടെ രാഷ്ട്രീയത്തിന്റെ പ്രധാന പ്രശ്നം; താങ്കളുടെ മുത്തച്ഛനെപ്പോലെ നിലപാട് ഉയര്ത്തിപ്പിടിക്കണം;രാഹുൽ ഗാന്ധിക്കെതിരെ വിമർശനമുമായി പാക് മന്ത്രി
കോണ്ഗ്രസ് നേതാവും വയനാട് എംപിയുമായ രാഹുല് ഗാന്ധിക്കെതിരെ രൂക്ഷ വിമർശനവുമായി പാകിസ്ഥാന് ശാസ്ത്ര സാങ്കേതിക വകുപ്പ് മന്ത്രി ഫവാദ് ഹുസൈന് രംഗത്ത്. കാശ്മീര് വിഷയത്തില് പാകിസ്ഥാനെ വിമര്ശിച്ച് രാഹുല് ട്വീറ്റ് ചെയ്തതിന്റെ പശ്ചാത്തലത്തിലാണ് പാക് മന്ത്രി രാഹുലിനെ വിമർശിക്കാനിടയാക്കിയത്.
മുത്തച്ഛന് നെഹ്റുവിനെപ്പോലെ നിലപാട് ഉയര്ത്തിപ്പിടിക്കാന് രാഹുല് ഗാന്ധിക്ക് സാധിക്കണമെന്ന് അദ്ദേഹം ട്വീറ്റ് ചെയ്തു.'മതേതരത്വത്തിന്റെയും പുരോഗമന ചിന്താഗതിയുടേയും അടയാളമായിരുന്ന താങ്കളുടെ മുത്തച്ഛനെപ്പോലെ നിലപാട് ഉയര്ത്തിപ്പിടിക്കണം. ആശയക്കുഴപ്പമാണ് താങ്കളുടെ രാഷ്ട്രീയത്തിന്റെ പ്രധാന പ്രശ്നം. യാഥാര്ത്ഥ്യം മനസിലാക്കി അതിനൊപ്പം നില്ക്കണം. '-ഫവാദ് ഹുസൈന് ട്വീറ്റ് ചെയ്തു.
കാശ്മീര് വിഷയത്തില് പാകിസ്ഥാനെ വിമര്ശിച്ച് രാഹുല് ട്വീറ്റ് ചെയ്തതിന്റെ തൊട്ടുപിന്നാലെയാണ് മന്ത്രിയുടെ വിമര്ശനം ഉയർന്നു വന്നിരിക്കുന്നത് .
രാഹുൽ ഗാന്ധി പറഞ്ഞതിങ്ങനെ:-
'കാശ്മീര് വിഷയത്തിലടക്കം സര്ക്കാരിനോട് തനിക്ക് പലകാര്യങ്ങളിലും വിയോജിപ്പുണ്ട്. പക്ഷേ ഒരു കാര്യം ഞാന് വ്യക്തമാക്കുകയാണ്. കാശ്മീര് ഇന്ത്യയുടെ ആഭ്യന്തര പ്രശ്നം മാത്രമാണ്. അതില് പാകിസ്ഥാനോ മറ്റേതെങ്കിലും വിദേശ രാജ്യങ്ങളോ ഇടപടേണ്ടതില്ല. ജമ്മു കാശ്മീരില് സംഘര്ഷമുണ്ടെന്നത് ശരിയാണ്. ലോകത്ത് അവേശഷിക്കുന്ന ഭീകരതയ്ക്ക് പിന്തുണ നല്കുന്ന പാകിസ്ഥാന്റെ പ്രേരണയോട് കൂടിയാണ് കാശ്മീരിലെ ആക്രമങ്ങള്'- രാഹുല് ട്വീറ്റ് ചെയ്തിരുന്നു.
https://www.facebook.com/Malayalivartha