മൂന്നു ദിവസത്തേക്ക് മൂന്ന് വ്യോമപാതകള്‍ അടച്ച് പാകിസ്ഥാന്‍. കറാച്ചിക്കുമുകളിലൂടെയുള്ള പാതകളാണ് അടച്ചത്. ബുധനാഴ്ച മുതല്‍ വെള്ളിയാഴ്ചവരെ പാത അടച്ചിടുന്നത്. ഇന്ത്യന്‍ വിമാനങ്ങള്‍ പാക് വ്യോമപരിധി ഉപയോഗിക്കുന്നത് പൂര്‍ണമായും വിലക്കുമെന്ന് സര്‍ക്കാര്‍ പ്രഖ്യാപിച്ചതിനുപിന്നാലെയാണ് വ്യോമ പാത അടച്ചിടുന്നത്. കറാച്ചി വ്യോമപാത ഉപയോഗപ്പെടുത്തുന്ന എല്ലാ അന്താരാഷ്ട്ര വിമാനങ്ങള്‍ക്കും ഈ നിയന്ത്രണം ബാധകമായിരിക്കും. അടുത്ത മാസം ഒന്നിന് വിലക്ക് അവസാനിക്കും.

എന്നാല്‍ ജമ്മുകശ്മീര്‍ വിഷയം പാക് പ്രധാനമന്ത്രി സെപ്തംബറില്‍ നടക്കാനിരിക്കുന്ന യു.എന്‍. പൊതുസഭയില്‍ ശക്തമായിത്തന്നെ അവതരിപ്പിക്കുമെന്ന് പാക് വിദേശകാര്യമന്ത്രി പറഞ്ഞു. ഇമ്രാന്‍ഖാന്‍ കശ്മീരികളുടെ വികാരങ്ങള്‍ ലോകത്തെ അറിയിക്കും.