ഉറങ്ങാന്‍ കിടക്കവേ തലയണയ്ക്കരികില്‍ ചാര്‍ജ് ചെയ്യാനായി വച്ച ഫോണ്‍ പൊട്ടിത്തെറിച്ച് പതിനാലുകാരിക്ക് ദാരുണാന്ത്യം. കസഖ്‌സ്താനിലെ ബാസ്‌റ്റോബിലാണ് സംഭവം നടന്നത്. അല്‍വ അസെറ്റ്‌സി അബ്‌സാല്‍ബെക് എന്ന സ്‌കൂള്‍ വിദ്യാര്‍ഥിയാണ് മരിച്ചത്. ചാര്‍ജ് ചെയ്യാന്‍ മൊബൈല്‍ ഫോണ്‍ സോക്കറ്റില്‍ കണക്റ്റ് ചെയ്ത് അത് തലയിണക്കരികില്‍ വെച്ച് കിടന്നുറങ്ങുകയായിരുന്നു.

ഫോണില്‍ പാട്ട് വെച്ചിരുന്നതുകൊണ്ടാണ് അല്‍വ അത് കിടക്കയില്‍ തന്നെ വെച്ചത്. എന്നാല്‍ പുലര്‍ച്ചയോടെ അമിതമായി ചൂടായ ഫോണ്‍ പൊട്ടിത്തെറിക്കുകയും തലക്ക് മാരകമായി പരിക്കേറ്റ് പെണ്‍കുട്ടി മരിക്കുകയായിരുന്നു.മൊബൈല്‍ പൊട്ടിത്തെറിച്ചാണ് മരണം സംഭവിച്ചതെന്ന് ഫോറന്‍സിക് അധികൃതര്‍ ഔദ്യോഗികമായി അറിയിച്ചു.