ഭാര്യയുടെ പ്രസവം കണ്ട് ബോധരഹിതനായി ഭർത്താവ്..രംഗം സെൽഫിയിൽ പകർത്തി ഭാര്യ..ചിത്രങ്ങൾ വൈറലാകുന്നു
ഒരു പ്രസവ മുറിയും അതിൽ ചിരിച്ചു കൊണ്ടിരിക്കുന്ന യുവതിയും തറയിൽ വീണു കിടക്കുന്ന മനുഷ്യനെ പരിചരിക്കുന്ന നഴ്സുമാരും അടങ്ങുന്ന ചിത്രമാണ് ഇപ്പോൾ സോഷ്യൽ മീഡിയയിൽ താരം. ഒരു വിദേശ യുവതി സോഷ്യൽ മീഡിയയിൽ പങ്കുവെച്ച ചിത്രങ്ങളാണ് ഇപ്പോൾ തരംഗമാകുന്നത്. ചിത്രത്തിലെ ഏറ്റവുക രസകരമായ കാര്യം തറയിൽ വീണു കിടക്കുന്നത് യുവതിയുടെ ഭർത്താവാണ് എന്നതാണ്. യുവതിയുടെ പ്രസവ മുറിയിൽ ഒപ്പമുണ്ടായിരുന്ന ഭർത്താവ് പ്രസവ നിമിഷങ്ങൾ കണ്ട് ബോധരഹിതനാകുകയായിരുന്നു. ചിത്രമെടുത്തത് പ്രസവത്തിനായി എത്തിയ യുവതി തന്നെയാണ് എന്നതാണ് ഏറ്റവും രസകരം.
ഇപ്പോൾ ലോകമെമ്പാടുമുള്ള മിക്കവാറും ആശുപത്രികളും പ്രസവത്തിനായി എത്തുന്ന യുവതികളുടെ ഭർത്താക്കന്മാരെ പ്രസവ മുറിയിൽ പ്രവേശിപ്പിക്കാറുണ്ട്. കഠിന വേദന താങ്ങാനുള്ള കരുത്തും പിന്തുണയും നൽകാനാണ് ഇത്തരത്തിൽ ഭർത്താക്കന്മാരെ ഉള്ളിൽ കയറാൻ അനുവദിക്കുന്നത്. കൂടാതെ ഇതിനുശേഷം ഭർത്താവിന് ഭാര്യയോടുള്ള ബഹുമാനവും സ്നേഹവും വർധിക്കാനും സഹായിക്കുന്നു.
എന്നാൽ വെറുതെ പ്രവേശനമില്ല. കൈകാലുകളും മുഖവും ആന്റിസെപ്റ്റിക് ലോഷാനിട്ടുകഴുകി, ദേഹം അണുവിമുക്തമാക്കി, ഡോക്ടർമാരെപ്പോലെ സ്യൂട്ടും മുഖം മറച്ചുള്ള മാസ്കും, കയ്യിൽ സർജിക്കൽ ഗ്ലൗസും ഒക്കെ ധരിച്ചു മാത്രമേ അകത്തേക്ക് അവരെ കയറ്റുകയുള്ളൂ. പല ആശുപത്രികളിലും പ്രസവ രംഗങ്ങൾ ക്യാമറയിൽ പകർത്താറുമുണ്ട്.
ചിത്രം എന്തായാലും, ജീവിതകാലം മുഴുവൻ ഓർത്തു ചിരിക്കാനുള്ള വകയായി എന്നും പറഞ്ഞാണ് യുവതി ഇൻസ്റ്റഗ്രാമിൽ പങ്കുവെച്ചിരിക്കുന്നത്. ഭാര്യയുടെ പ്രസവത്തിനിടെയുള്ള പെടാപ്പാടും നിലവിളിയും ഒക്കെ കണ്ട് പേടിച്ച് ബോധരഹിതനായി താഴെ വീണ ഭർത്താവിന്റെയും ആ രംഗം സെൽഫിയിൽ പകർത്തിയ ഭാര്യയുടെയും ചിത്രമാണ് ഇപ്പോൾ സമൂഹ മാധ്യമങ്ങളിലെ താരം. ഏറെ വൈറലായ ഈ ചിത്രത്തിന് നിരവധി രസകരമായ കമന്റുകളും ലഭിക്കുന്നുണ്ട്.
https://www.facebook.com/Malayalivartha