മുസ്ലിം പുരുഷന്മാര്ക്കെതിരെ വിവാദ പരാമർശവുമായി പ്രമുഖ വിമാന കമ്ബനി സി.ഇ.ഒ
ബോംബാക്രമണങ്ങള് നടത്തുന്നതെല്ലാം മുസ്ലിം പുരുഷന്മാര് എന്ന വിവാദ പരാമർശവുമായി പ്രമുഖ വിമാന കമ്ബനി സി.ഇ.ഒ. വിമാനത്താവളങ്ങളില് കൂടുതല് പരിശോധനകള് നടത്തുകയും കൂടെ ചെയ്യണം എന്നദ്ദേഹം പറഞ്ഞു. വംശീയാധിക്ഷേപവുമായി പ്രമുഖ വിമാന കമ്ബനിയായ റയന് എയറിന്റെ സി.ഇ.ഒ മൈഖല് ഒ ലിയറിയാണ് രംഗത്ത് വന്നിരിക്കുന്നത് . വിമാനയാത്രയിലടക്കം ബോംബാക്രമണങ്ങള് നടത്തുന്നതെല്ലാം മുസ്ലിങ്ങളാണെന്ന പരാമര്ശത്തിനെതിരെ ഒലയറിക്കെതിരെ സമൂഹ മാധ്യമങ്ങളില് വിമര്ശനമുയരുകയും ചെയ്യുന്നുണ്ട്. ടൈംസ് ഓഫ് ലണ്ടന് എന്ന പത്രത്തിന് വേണ്ടി എര്പോര്ട്ട് സുരക്ഷ എന്ന വിഷയത്തില് സംസാരിക്കവേയായിരുന്നു അദ്ദേഹം വിവാദ പ്രസ്താവന നടത്തിയിരിക്കുന്നത്.
ആരാണ് ബോംബര്മാര് എന്ന് ചോദിച്ച് അദ്ദേഹം അത് വിമാനത്തില് ഒറ്റക്ക് യാത്ര ചെയ്യുന്ന അവിവാഹിതരായ പുരുഷന്മാരായിരിക്കും എന്നും പറഞ്ഞു. നിങ്ങള് കുടുംബവും കുട്ടികളുമൊന്നിച്ച് യാത്ര ചെയ്യുകയാണെങ്കില് എല്ലാം ബോംബിട്ട് തകര്ക്കാനുള്ള സാധ്യത കുറവാണെന്നും പൊതുവില് മുസ്ലിം മത വിഭാഗത്തിലുള്ള ഒറ്റക്ക് യാത്ര ചെയ്യുന്ന പുരുഷന്മാരെയാണ് ഈ കാര്യത്തില് ഭയപ്പെടേണ്ടതെന്നും മുപ്പത് വര്ഷം മുമ്ബ് അത് ഐറിഷുകാരായിരുന്നുവെന്നും റയന് എയര് സ്ഥാപകന് പറയുകയുണ്ടായി . അവരാണ് നാം നേരിടുന്ന അപകടമെങ്കില് ആ അപകടത്തെ കൈകാര്യം ചെയ്യണമെന്നും അഭിമുഖത്തില് പറയുന്നുണ്ട്.
https://www.facebook.com/Malayalivartha