കൂട്ടുകാരുടെ കളിയാക്കല്‍ സഹിക്കവയ്യാതെ ആത്മഹത്യാ ഭീഷണി മുഴക്കിയ ഒമ്പത് വയസുകാരന്‍ ക്വാഡന് സ്‌നേഹവും സ്വാന്തനവുമായി അമേരിക്കന്‍ നടനും സ്റ്റാന്‍ഡ് അപ്പ് കൊമേഡിയനുമായ ബ്രഡ് വില്യംസ്. ക്വാഡന്‍ നീ ലോകം കീഴടക്കിക്കളഞ്ഞല്ലോ. നിന്റെ ആ കണ്ണുനീര്‍ തുള്ളികള്‍ സ്‌നേഹകടലായി നിന്നിലേക്ക് തന്നെ തിരിച്ചു എത്തിയിരിക്കുന്നു. പൊക്കക്കുറവാണ് നിന്റെ പൊക്കമെന്ന് നീ ഇപ്പോള്‍ തിരിച്ചറിഞ്ഞിരിക്കുമല്ലോ ബ്രഡ് വില്യംസ് പറയുന്നു.ക്വാഡനെ പോലെ ബാല്യവും കൗമാരവും അപഹര്‍ഷാബോധത്തിന്റെ പിടിയിലായിരുന്ന ബ്രഡ് വില്യംസ് തന്റെ പൊക്കക്കുറവ് പൊക്കമാക്കി അമേരിക്കയെ കീഴടക്കിയ കഥ ക്വാഡാനെ അറിയിക്കാനെത്തിയത് അദ്ദേഹത്തിന്റെ ഒരു ദിവസത്തെ ഷോയുടെ വരുമാനമായ 2,80,000 ഡോളറുമായിട്ടായിരുന്നു. തന്റെ ഷോയില്‍ പങ്കെടുക്കാന്‍ ക്വാഡനെ വില്യംസ് അമേരിക്കയിലേക്ക് ക്ഷണിക്കുകയും ചെതിട്ടുണ്ട്. ക്വാഡനെപ്പോലെ അംഗവൈകല്യത്തെ ഓര്‍ത്ത് നൊമ്ബരമനുഭവിച്ചിരുന്ന വില്യംസ് തന്റെ ചാട്ടുളി പോലെ തുളഞ്ഞു കയറുന്ന വാക്കുകള്‍ ഫലിതത്തില്‍ ചാലിച്ച് പായിച്ചപ്പോള്‍ അത് അമേരിക്കന്‍ കലാലോകം ആസ്വാദ്യതയോടെ ഏറ്റെടുത്തു.