കൊവിഡ് 19; കോടികളുടെ നഷ്ട്ടങ്ങൾ നേരിട്ട് അമേരിക്കയോടൊപ്പം പ്രസിഡന്റ്റ് ഡൊണാൾഡ് ട്രംപും; തിരിച്ചടി നേരിടുന്നത് ലോകത്തെ വിവിധ രാജ്യങ്ങളിലെ ബിസിനസ് സ്ഥാപനങ്ങളിൽ നിന്ന്
കൊറോണ വൈറസ് വ്യാപനം രൂക്ഷമായപ്പോൾ ലോകമൊട്ടാകെ സാമ്പത്തിക പ്രതിസന്ധി നേരിടുകയാണ്. സാമ്പത്തിക പ്രതിസന്ധി അമേരിക്കൻ പ്രസിഡന്റ് ഡൊണാൾഡ് ട്രംപിനെയും സാരമായി ബാധിച്ചിരിക്കുകയാണ്. വ്യക്തിപരമായും നഷ്ടങ്ങൾ വന്നു. ട്രംപിന് ലോകത്തെ വിവിധ രാജ്യങ്ങളിലുള്ള ബിസിനസ് സ്ഥാപനങ്ങളിൽ നിന്ന് തിരിച്ചടി നേരിടേണ്ടി വന്നിരിക്കുകയാണ്.
ട്രംപിനെ സഹസ്ര കോടീശ്വരനാക്കി മാറ്റിയ ഹോട്ടൽ വ്യവസായം, റിയൽ എസ്റ്റേറ്റ്, ഗോൾഫ് കോഴ്സ് എന്നിവയെല്ലാം തിരിച്ചടി നേരിടുന്നു. കൊറോണ ബാധയിൽ അമേരിക്കയിലും കാനഡയിലുമുള്ള അദ്ദേഹത്തിന്റെ ഫൈവ് സ്റ്റാർ ഹോട്ടലുകൾ അടച്ചിട്ട നിലയിലാണ്. ഇവിടെയുള്ള 2200 ഓളം റൂമുകളിൽ ഒരൊറ്റയാൾ പോലുമില്ല. അമേരിക്കയിലും സ്കോട്ലന്റിലും അയർലന്റിലും സ്ഥിതി ചെയ്യുന്ന അദ്ദേഹത്തിന്റെ ഗോൾഫ് കോഴ്സുകളും പ്രവർത്തനം നിർത്തിവെക്കേണ്ട അവസ്ഥയിലാണിപ്പോൾ.
അമേരിക്കയിലെ ഫ്ലോറിഡയിലെ പാം ബീച്ചിലുള്ള അദ്ദേഹത്തിന്റെ സതേൺ വൈറ്റ് ഹൗസും അടച്ചുപൂട്ടേണ്ട നിലയിലായി. ഇതോടെ കൊവിഡിന്റെ പിടിയിൽ നിന്ന് രാജ്യത്തെ രക്ഷിക്കേണ്ടത്, ബിസിനസ് രംഗത്ത് തന്റെ വ്യക്തിപരമായ നിലനിൽപ്പിന് പോലും ആവശ്യമായി വന്നിരിക്കുകയാണ് ഡൊണാൾഡ് ട്രംപിന്.
https://www.facebook.com/Malayalivartha