ബ്രിട്ടനിലെ ജനജീവിതം മാസങ്ങള്‍ക്ക് ശേഷം സാധാരണ നിലയിലാകുന്നു. കോവിഡ് വ്യാപനം കുറഞ്ഞ പശ്ചാത്തലത്തില്‍ രാജ്യത്തെ ലോക്ഡൗണില്‍ ഇളവുകള്‍ അനുവദിച്ചു തുടങ്ങി. ജൂണ്‍ 15 മുതല്‍ എല്ലാ വ്യാപാര സ്ഥാപനങ്ങള്‍ക്കും തുറന്നു പ്രവര്‍ത്തിക്കാമെന്ന് പ്രധാനമന്ത്രി ബോറിസ് ജോണ്‍സണ്‍ അറിയിച്ചു. സ്‌കൂളുകള്‍ ജൂണ്‍ ഒന്നിനു തുറക്കാനും തീരുമാനിച്ചിട്ടുണ്ട്.

ബ്രിട്ടനില്‍ കോവിഡ് ബാധിച്ച് മരിച്ചവരുടെ എണ്ണം 36,914 ആയി. എന്നാല്‍ പുതിയ രോഗബാധിതരുടെയും മരിക്കുന്നവരുടെയും എണ്ണത്തില്‍ കുറവുണ്ട്. കോവിഡിനെ ചെറുക്കാന്‍ കഴിയുമെന്ന് ആത്മവിശ്വാസമുണ്ടെന്ന് ബോറിസ് ജോണ്‍സണ്‍ വ്യക്തമാക്കി.