മനിലയിൽ നടക്കുന്ന ആസിയാൻ-ഇന്ത്യ, ഈസ്റ്റ് ഏഷ്യ ഉച്ചകോടികളിൽ പങ്കെടുക്കാൻ പ്രധാനമന്ത്രി നരേന്ദ്രമോദി ഇന്ന് തിരിക്കും

ഫിലിപ്പീൻസ് തലസ്ഥാനമായ മനിലയിൽ നടക്കുന്ന ആസിയാൻ-ഇന്ത്യ, ഈസ്റ്റ് ഏഷ്യ ഉച്ചകോടികളിൽ പങ്കെടുക്കാൻ പ്രധാനമന്ത്രി നരേന്ദ്രമോദി ഇന്ന് പുറപ്പെടും. ഫിലിപ്പീൻസ് പ്രസിഡന്റ് ഫെർഡിനാൻഡ് ആർ മാർക്കോസ് ജൂനിയറിന്റെ ക്ഷണപ്രകാരം മൂന്നു ദിവസത്തെ സന്ദർശനമാണ്. ഫിലിപ്പീൻസ് ആതിഥേയത്വം വഹിക്കുന്ന 23-ാമത് ആസിയാൻ-ഇന്ത്യ ഉച്ചകോടിയും 21-ാമത് കിഴക്കൻ ഏഷ്യ ഉച്ചകോടിയും നാളെ നടക്കുന്നതാണ്.
സാമ്പത്തിക, വാണിജ്യ പങ്കാളിത്തങ്ങൾ വികസിപ്പിക്കൽ, സമുദ്ര സുരക്ഷാ സഹകരണം തുടങ്ങിയ വിഷയങ്ങളിൽ ചർച്ചയുണ്ടാകും. 2026-2030 ലെ ആസിയാൻ-ഇന്ത്യ കർമ്മ പദ്ധതി ഉൾപ്പെടെ തന്ത്രപരമായ പങ്കാളിത്തം നടപ്പിലാക്കുന്നതിലെ പുരോഗതി അവലോകനം ചെയ്യുകയും ചെയ്യും.
അതേസമയം മോദിക്ക് പുറമെ യു.എസ് പ്രസിഡന്റ് ഡൊണാൾഡ് ട്രംപ്, ജപ്പാൻ പ്രധാനമന്ത്രി സനെ തകൈചി, ഓസ്ട്രേലിയൻ പ്രധാനമന്ത്രി ആന്റണി ആൽബനിസ് എന്നിവർ പങ്കെടുക്കുന്ന ക്വാഡ് യോഗം മനിലയിൽ നടന്നേക്കും.
"
https://www.facebook.com/Malayalivartha

























