ആഫ്രിക്കൻ രാജ്യമായ ടാൻസാനിയയിലെ ഖനിത്തൊഴിലാളിക്ക്​ തന്റെ ജോലിക്കിടെ ലഭിച്ചത്​ അമൂല്യ രത്​നങ്ങൾ. സനിനിയു ലെയ്​സർ എന്നയാൾക്കാണ്​ കോടികൾ വിലമതിക്കുന്ന രണ്ട്​ അപൂർവ്വ രത്​നക്കല്ലുകൾ ലഭിച്ചത്​. ടാൻസാനിയക്ക്​ വടക്കുള്ള മാൻയാറാ മേഖലയിലാണ് സംഭവം. തനിക്ക്​ ലഭിച്ച വയലറ്റ്​ നിറമുള്ള രത്​നങ്ങളെ കുറിച്ച്​ ടാൻസാനിയൻ സർക്കാറിനെ വിവരമറിയിച്ച സനിനിയുവിന്​ സർക്കാർ നൽകിയതാക​െട്ട, 7.74 ബില്യണ്‍ ടാന്‍സാനിയന്‍ ഷില്ലിങ്​സ്​ ( 25 കോടിയോളം ഇന്ത്യന്‍ രൂപ ) ആണ്.

ഇതുവരെ ടാൻസാനിയയിൽ നിന്നും ലഭിച്ച ഏറ്റവും വലിയ രത്​നങ്ങളാണിത്​​. ഒരു രത്‌നത്തിന്​ 9.27 കിലോഗ്രാമും മറ്റേതിന്​​ 5.103 കിലോഗ്രാമും തൂക്കമുണ്ട്​. എന്തായാലും, രാജ്യത്തെ ടെലിവിഷൻ ചാനലുകളിലും സമൂഹ മാധ്യമങ്ങളിലും സനിനിയു ഇപ്പോൾ നിറഞ്ഞു നിൽക്കുകയാണ്​. കോടീശ്വരനായതി​​െൻറ സന്തോഷത്തിൽ ത​​െൻറ ഗ്രാമത്തിൽ വലിയ ആഘോഷ പരിപാടി ഒരുക്കാനുള്ള നീക്കത്തിലാണയാൾ. ലഭിച്ച പണം കൊണ്ട്​ നാട്ടിൽ സ്​കൂളും ഷോപ്പിങ്​ മാളും പണികഴിപ്പിക്കാനും അദ്ദേഹത്തിന്​ പദ്ധതിയുണ്ട്​.

ടാൻസാനിയ എന്ന രാജ്യം സമ്പന്നമാകുന്നതി​​െൻറ ലക്ഷണമാണ്​ രണ്ട്​ രത്​നക്കല്ലുകളുമെന്ന്​ പ്രസിഡൻറ്​ ജോൺ മഗുഫുലി പറഞ്ഞു. വാർത്താ സമ്മേളനത്തിനിടെ സനിനിയുവിനെ വിളിച്ച്​ പ്രസിഡൻറ്​ അഭിനന്ദിക്കുകയും ചെയ്​തിരുന്നു. രത്​ന കള്ളക്കടത്തിന്​ പേരുകേട്ട പ്രദേശമാണ്​ ടാൻസാനിയയുടെ വടക്കുഭാഗം. രാജ്യത്ത്​ നിന്നും ഖനനം ചെയ്യുന്ന രത്​നങ്ങളിൽ പകുതിയോളം നഷ്​ടപ്പെടുന്നുണ്ടെന്ന്​ പ്രസിഡൻറ്​ തന്നെ വ്യക്​മാക്കിയിരുന്നു. കള്ളക്കടത്ത്​ തടയാൻ 2018ൽ ഇൗ മേഖലയിൽ വലിയ മതിൽ നിർമിച്ചിരുന്നു.ആഫ്രിക്കൻ വൻ‌കരയുടെ കിഴക്കു തീരത്തുള്ള രാജ്യമാണ് ടാൻസാനിയ. ധാതു സമ്പന്നമാണ് താൻസാനിയ. മുഖ്യ ഖനിജമായ വജ്രത്തിനു പുറമേ സ്വർണം, അഭ്രം, ഉപ്പ്, കൽക്കരി, ലെഡ്, ഇരുമ്പയിര്, ടിൻ, ടങ്സ്റ്റൺ, കയോലിൻ, ഫോസ്ഫേറ്റ്, മാഗ്നൈറ്റ് തുടങ്ങി ഖനിജങ്ങളുടെ നിക്ഷേപങ്ങളും താൻസാനിയയിലുണ്ട്. ഇവയിൽ സ്വർണവും അഭ്രവും മാത്രമേ വ്യാവസായികാടിസ്ഥാനത്തിൽ ഖനനം ചെയ്യുന്നുള്ളൂ. തങ്കനീക്കൻ ഭൂപ്രദേശത്തിന്റെ പല ഭാഗങ്ങളിലും സ്വർണനിക്ഷേപം കണ്ടെത്തിയിട്ടുണ്ട്. മ്വാഡ്വിയിലെ വജ്രഖനി 1950-കളിൽ പ്രവർത്തനമാരംഭിച്ചെങ്കിലും പിന്നീട് അടച്ചിട്ടു. 1968-ൽ കിലിമഞ്ജാരോയ്ക്കടുത്തു നിന്ന് ടാൻസനൈറ്റ് എന്ന രത്നക്കല്ല് കണ്ടെത്തി. മാണിക്യം, ഇന്ദ്രനീലം തുടങ്ങിയ രത്നങ്ങളും ഇവിടെ കണ്ടെത്തിയിട്ടുണ്ട്.