അയര്ലന്ഡിലെ ആദ്യ സഖ്യകക്ഷി സര്ക്കാരില് മിഷേല് മാര്ട്ടിന് പ്രധാനമന്ത്രി
ഒരു നൂറ്റാണ്ടോളം പോരടിച്ചുനിന്ന അയര്ലന്ഡിലെ 2 പ്രമുഖ കക്ഷികള് ചേര്ന്നു രൂപീകരിച്ച ആദ്യ സഖ്യകക്ഷി സര്ക്കാരിനെ പ്രതിപക്ഷ നേതാവ് മൈക്കല് മാര്ട്ടിന്(59) നയിക്കും.
സ്ഥാനമൊഴിയുന്ന പ്രധാനമന്ത്രിയും ഫിനഗേല് പാര്ട്ടി നേതാവുമായ ലിയോ വരാഡ്കര് ഉപപ്രധാനമന്ത്രിയാകും. ഫിനോഫാള് പാര്ട്ടി നേതാവും മുന് വിദേശകാര്യമന്ത്രിയുമാണ് പുതിയ പ്രധാനമന്ത്രിയായ മാര്ട്ടിന്.
5 വര്ഷമാണു ഭരണകാലാവധി. ഫെബ്രുവരിയില് നടന്ന തിരഞ്ഞെടുപ്പില് ആര്ക്കും തനിച്ചു ഭരിക്കാന് ഭൂരിപക്ഷം ലഭിച്ചിരുന്നില്ല.
ഫിനോഫാള്, ഫിനഗേല്, ഗ്രീന് പാര്ട്ടി എന്നീ 3 കക്ഷികള് ചേര്ന്നതാണു ഭരണമുന്നണി.
160 അംഗ പാര്ലമെന്റില് 37 സീറ്റുകള് നേടി അപ്രതീക്ഷിത നേട്ടമുണ്ടാക്കിയ ഇടതു ദേശീയവാദികളായ ഷിന് ഫെയ്ന് പ്രതിപക്ഷത്തിരിക്കും.
രണ്ടര വര്ഷത്തിനുശേഷം വരാഡ്കര്ക്കു പ്രധാനമന്ത്രിപദം കൈമാറും.
https://www.facebook.com/Malayalivartha