അമേരിക്കയില്‍ കോവിഡ് ബാധിതരുടെ എണ്ണം 26 ലക്ഷവും കടന്ന് മുന്നോട്ട്. ജോണ്‍സ് ഹോപ്കിന്‍സ് സര്‍വകലാശാലയുടെ ഔദ്യോഗിക കണക്കുകള്‍ പ്രകാരം 26,37,077 പേര്‍ക്കാണ് രാജ്യത്ത് കോവിഡ് ബാധിച്ചിട്ടുള്ളത്.1,28,437 പേര്‍ രോഗത്തേത്തുടര്‍ന്ന് മരണമടഞ്ഞു. 10,93,456പേര്‍ക്കാണ് അമേരിക്കയില്‍ ഇതുവരെ രോഗമുക്തി നേടാനായത്.ഫ്‌ലോറിഡയും ടെക്‌സസും അടക്കമുള്ള തെക്കന്‍ സംസ്ഥാനങ്ങളിലാണ് രോഗം വ്യാപകമായി പടരുന്നത്.
ഇരു സംസ്ഥാനങ്ങളിലും ഇളവുകള്‍ പിന്‍വലിച്ച് നിയന്ത്രണം കര്‍ശനമാക്കാന്‍ നടപടികള്‍ ആരംഭിച്ചു.ലോക്ക് ഡൗണ്‍ ഇളവുകള്‍ നല്കിയതിനു പിന്നാലെയാണ് രോഗികളുടെ എണ്ണം വര്‍ധിച്ചുതുടങ്ങിയത്. ഇളവുകള്‍ നല്കിയത് അല്പം നേരത്തേ ആയിപ്പോയെന്ന് കൊറോണ വിഷയത്തില്‍ യുഎസ് സര്‍ക്കാരിന്റെ ഉപദേശകനായ ഡോ. അന്തോണി ഫൗസി ചൂണ്ടിക്കാട്ടി. ഇതിനൊപ്പം ജനം മാര്‍ഗനിര്‍ദേശങ്ങള്‍ പാലിക്കാന്‍ വിമുഖത കാട്ടുന്നതായും അദ്ദേഹം പറഞ്ഞു.