ഫോർമുല വൺ കാറോട്ട മത്സരങ്ങളുടെ മുൻ മേധാവി ബെർണി എക്ലസ്റ്റോണ്‍ 89–ാം വയസ്സിൽ ആൺ കുഞ്ഞ് പിറന്നു....ബെർണിയുടെ ഭാര്യ നാൽപത്തിനാലുകാരി ഫാബിയാന ഫ്ലോസിയാണ് കഴിഞ്ഞ ദിവസം ആൺകുഞ്ഞിന് ജന്മം നൽകിയത്. കുഞ്ഞിന് എയ്സ് എന്ന് പേരിട്ടതായി എക്ലസ്റ്റോണിന്റെ വക്താവ് വ്യക്തമാക്കി.

മൂന്നാം ഭാര്യയായ ഫാബിയാന ഫ്ലോസിയുടെ ആദ്യ കുഞ്ഞാണ് ഇത് . കോടീശ്വരനായ ബെർണിക്ക് ആദ്യത്തെ രണ്ടു വിവാഹങ്ങളിലായി മൂന്നു പെൺമക്കളുണ്ട്.. സ്വിറ്റ്സർലൻഡിലെ ഇന്റർലേക്കനിലാണ് ഫ്ലോസി കുഞ്ഞിന് ജന്മം നൽകിയത്

ബെർണിയുടെ ആദ്യ ഭാര്യ ഇവി ബാംഫോർഡിൽ ജനിച്ച മൂത്ത മകൾ ദെബോറയ്ക്ക് ഇപ്പോൾ 65 വയസ്സുണ്ട്. രണ്ടാം ഭാര്യയായ സ്ലാവിസ റാഡിച്ചിൽ ജനിച്ച മുപ്പത്താറുകാരിയായ ടമാര, മുപ്പത്തൊന്നുകാരി പെട്ര എന്നിവരാണ് ബെർണിയുടെ മറ്റു മക്കൾ. ഈ മൂന്നു പേരിലുമായി ബെർണിക്ക് അഞ്ചു കൊച്ചുമക്കളുമുണ്ട്. കൊച്ചുമക്കളിൽ ഒരാൾക്കു കൂടി കുഞ്ഞു ജനിച്ചതോടെ സന്തതി പരമ്പരയിൽ നാലു തലമുറകളായി.

1958-ൽ കാർ ഡ്രൈവറായാണ് എക്ലസ്റ്റോൺ ഫോർമുല വൺ ടൂർണമെന്റിലെത്തുന്നത്... 2017 ൽ പുറത്താക്കപ്പെടുന്നതുവരെ 40 വർഷത്തോളം കാലം ഫോർമുല വൺ അധ്യക്ഷനായിരുന്നു ബെർണി. രണ്ടാമത്തെ വിവാഹമോചനത്തിനുശേഷം 2012 ലാണ് ബെർണി ഫാബിയാന ഫ്ലോസിയെ ജീവിതസഖിയാക്കിയത്.